Çinin Xiaomi şirkəti özü istehsal etdiyi avtomobil portfelini genişləndirərək Sky Nomad adlı yeni SUV seriyasını təqdim edib. Bu, quruluş baxımından batareya gücü ilə yanaşı, sistemin doldurulması və sürüş məsafəsinin artırılması üçün daxili yanacaq mühərrikindən istifadə edən genişlənmiş diapazonlu elektrikli avtomobillərə aiddir.

Weibo sosial şəbəkəsində paylaşım edən baş direktor Lei Cun Sky Nomad seriyasını Çin dilində Xiaomi Pengcheng markası altında "ağıllı, çoxfunksiyalı, geniş" SUV-lar kimi xarakterizə edib. Postda həmçinin avtomobillərdən birinin görüntüsü yer alıb.

Bu təqdimat Xiaomi-nin avtomobil strategiyasında növbəti mərhələ sayılır. Şirkət yalnız batareyalı sedanlar və crossoverlər istehsal etməklə kifayətlənməyib, Li Auto kimi istehsalçıların bazarda önə çıxdığı daha geniş SUV sinfinə daxil olub.

Son iki ildə Xiaomi-nin avtomobil bölməsi SU7 sedanı və YU7 crossoveri sayəsində satış gəlirlərində əhəmiyyətli paya sahib olub.

Şirkət avtomobil bazarına qlobal smartfon və məişət texnikası sektorlarında böyümənin zəiflədiyi dövrdə əlavə gəlir mənbələri axtararkən daxil olub.

Lakin avtomobil istehsalı yüksək kapital yatırımı tələb etdiyi və Xiaomi-nin mövcud biznes sahələri ilə müqayisədə aşağı gəlir marjası təmin etdiyi üçün bu genişlənmə yüksək maliyyətlərlə müşayiət olunub.

Elektrikli avtomobil bazarında Xiaomi hədəf kimi "Tesla"nı seçib. SU7 və YU7 modelləri ABŞ istehsalçısının Model 3 və Model Y avtomobilləri ilə rəqabət aparır.

Xiaomi mövcud modellərinə olan təsdiqlənmiş tələbə baxmayaraq, ölkə daxilində satışların zəif olduğu bir bazarda fəaliyyət göstərir və bir çox Çin rəqiblərindən fərqli olaraq hələ xarici ixracata başlamayıb.

Şirkət bildirir ki, gələn ildən başlayaraq Avropa onun növbəti avtomobil bazarıdır.

Lei Cunun sözlərinə görə, avtomobil sahibləri üçün maşın sadəcə nəqliyyat vasitəsi deyil, ikinci ev rolunu oynayan hərəkətli məkan olmalıdır.

Bu ilin əvvəlində ayrıca mənbələrdən verilən xəbərlərdə qeyd olunurdu ki, Ford şirkəti Xiaomi ilə ABŞ-da mümkün istehsal əməkdaşlığı barədə ilkin mərhələ danışıqları başladıb.

Ford həmçinin ABŞ-da elektrik avtomobillərinin birgə istehsalı üçün Xiaomi ilə birgə müəssisə qurulması imkanını qiymətləndirib.