Fələstin Prezidenti Mahmud Abbas cümə axşamı parlament seçkilərinin noyabrın 28-də keçirilməsi barədə fərman imzalayıb.

Seçkilər həyata keçirilərsə, bu, 2006-cı ildən sonra Fələstin torpaqlarında keçiriləcək ilk seçki olacaq.

Fələstin Muxtariyyətinin rəsmi Wafa agentliyi Abbasın fərmanını belə şərh edib: “Prezident fərmanı Qüdsdə, Qərb Sahilində və Qəzza zolağında yaşayan fələstinliləri təyin olunmuş tarixdə azad və birbaşa parlament seçkilərində iştirak edərək Fələstin Milli Məclisinin üzvlərini seçməyə çağırır.”

Abbas, hazırda 90 yaşında olan, 2005-ci ildə keçirilən prezident seçkilərində qalib gələrək dörd illik mandat almışdı, bu mandat isə 2009-cu ildə bitməli idi.

Lakin növbəti il HƏMAS Abbasın Fətəh partiyasını parlmanet seçkilərində üstələdi. Bu güc bölgüsü nəticəsində həm parlament, həm də seçkilər praktiki olaraq dayandırıldı.

Bir nəsil üçün ilk səsverməyə artan tələblər

Fələstin torpaqlarında orta yaş təxminən 20 yaşdır, yəni əhali böyük əksəriyyəti indiyədək heç vaxt seçkiyə qatılmayıb.

Ədalətli seçkilərin keçirilməsi beynəlxalq ictimaiyyətin Fələstin Muxtariyyətinə maliyyə dəstəyi vermə şərti kimi göstərilir. Ötən ay Abbas həmçinin prezident seçkilərinin 2027-ci ildə keçiriləcəyini açıqlayıb.

Lakin Ramallahda qərargahlanan Muxtariyyət və Abbasın nə qədər gücə sahib olduğu aydın deyil. Qrup həm Fələstinlilər, həm də beynəlxalq ictimaiyyət tərəfindən siyasi durğunluq, korrupsiya və səlahiyyətin zəifləməsi ilə bağlı ciddi tənqidlər alır.

Seçkinin Qəzza bölgəsində necə keçiriləcəyi də hələ bəlli deyil. Orada İsrailin iki il ərzində həyata keçirdiyi hava zərbələri nəticəsində çoxlu binalar və infrastruktur dağıdılıb. Bundan əlavə, ABŞ-ın dəstəklədiyi İsrail-Fələstin sülh sazişi çərçivəsində HƏMAS hakimiyyəti texnokrat panelinə təhvil verməli və Milli Qəzza İdarəetmə Komitəsi (NQİK) bölgədə səlahiyyətləri üzərinə götürməlidir.