Avropada cinsi yolla keçən infeksiyalar (STİ) arasında gonoreya və sifilis xəstəliklərinin yayılması rekord səviyyəyə çatıb.

Avropa Xəstəliklərin Qarşısının Alınması və Nəzarəti Mərkəzinin (ECDC) məlumatına görə, hər iki xəstəlik 2024-cü ildə son 10 ilin ən yüksək səviyyəsinə yüksəlib.

Gonoreya hallarının sayı 106,331-ə çataraq 2015-ci ildən bəri 303% artıb, sifilis isə eyni müddətdə 45,557-yə qədər iki dəfədən çox artıb.

Sağlamlıq agentliyi "test və profilaktikada yaranan geniş fərqlər"in yoluxmanın artmasında rol oynadığını bildirir və təcili tədbirlərin görülməsini vacib sayır.

"Bu infeksiyalar xroniki ağrılar və sonsuzluq kimi ciddi fəsadlara yol aça bilər, sifilis hallarında isə ürək və ya sinir sistemi problemləri yarana bilər", – agentliyin birbaşa yoluxan və vaksinasiyaya qarşı xəstəliklər şöbəsinin rəhbəri Bruno Çiansio qeyd edib.

O həmçinin 2023-2024-cü illərdə yeni doğulmuş uşaqlara keçən konjenital sifilis hallarının demək olar ki, iki dəfə artdığını vurğulayıb.

"Cinsi sağlamlığı qorumaq sadədir. Yeni və ya çoxsaylı partnyorlarınız olduğunda kondom istifadə edin və simptomlarınız varsa, müayinə olun", – o əlavə edib.

2024-cü ildə Avropanın iştirak edən ölkələri arasında İspaniya həm gonoreya (37,169), həm də sifilis (11,556) üzrə ən yüksək təsdiqlənmiş hal sayına malikdir.

Ümumilikdə ən çox bildiralan bakterial infeksiya olan klamidiyanın hallarının isə 2015-ci ildən bəri 6% azalaraq 213,443-ə düşdüyü qeyd olunur.

Böyük Britaniya Brexit sonrası araşdırmada iştirak etmir, ancaq İngiltərə üçün öz rəsmi statistikasını açıqlayır.

Böyük Britaniya Səhiyyə Təhlükəsizliyi Agentliyinin 2024-cü ildə İngiltərədə 71,802 gonoreya, 9,535 sifilis və 168,889 klamidya halının qeydə alındığını bildirən hesabatı dekabrda yayımlanıb.

Böyük Britaniya 2023-cü ildə 85,000-ə çatmış rekord gonoreya halları sonrası 2025-ci ildə bu xəstəliyə qarşı peyvənd tətbiqini başlayıb.