ABŞ Prezidenti Donald Tramp 8,5 ildən sonra geniş heyətlə Çinin paytaxtı Pekinə gəlib.

Trampın səfərində siyasi müşavirlər və ABŞ şirkətlərinin nümayəndələri iştirak edir. ABŞ-Çin arasında son dövlət başçısı səviyyəsindəki görüş 2017-ci ildə Trampın birinci prezidentlik dövründə baş tutmuşdu. Dose Bayden öz dönəmində Çin səfəri həyata keçirməyib.

Səfərdə Trampa dövlət katibi Marko Rubyo, müdafiə naziri Pit Heqset, ticarət nümayəndəsi Ceymison Gir və Ağ Ev müşaviri Stivən Miller müşayiət edir. Maliyyə naziri Skott Bessent isə Cənubi Koreyanın paytaxtı Seuldən Pekinə gəlib.

Heyətdə Tesla şirkətinin rəhbəri İlon Mask, Apple başçısı Tim Kuk və Nvidia təsisçisi Censin Huan da daxil olmaqla 17 amerikalı şirkət təmsilçisi var.

Trampın arvadı Melaniya Tramp bu səfərdə iştirak etməsə də, oğlu Erik Tramp və onun həyat yoldaşı Lara Tramp səfərdə iştirak edəcək.

Tramp səfərin birinci gününü istirahətlə keçirəcək. Səhər Tienanmen Meydanında dövlət mərasimi keçiriləcək. Daha sonra Tramp Çin prezidenti Si Cinpinlə ikitərəfli və heyətlərarası görüşlər aparacaq. Günün ikinci yarısında Göy məbəddə ziyarət olacaq və axşam rəsmi qəbul təşkil ediləcək.

Tramp 15 may səhər çay mərasimində yenidən Çin lideri ilə görüşəcək, daha sonra iş naharı keçiriləcək və günün sonunda ölkəsinə qayıdacaq.

Səfər Orta Şərqdə İranla bağlı münaqişələr fonunda baş tutmaqla strateji rəqib olan Çinlə münasibətlərdə yeni mərhələnin başlanğıcı kimi qiymətləndirilir.

Əvvəlcə 31 mart-2 aprel üçün planlaşdırılsa da, İran döyüşləri səbəbindən təxirə salınan səfərdə Orta Şərqdəki müharibə mühüm müzakirə mövzusu olacaq.

İki dövlət başçısının beynəlxalq enerji ticarəti baxımından kritik olan Hörmüz Boğazındakı vəziyyəti də dəyərləndirməsi gözlənilir.

Eyni zamanda, ABŞ və Çin iqtisadi və ticarət sahəsindəki problemləri də müzakirə edəcəklər.

Trampın ikinci prezidentlik dövründə qarşılıqlı tarif artımları və Çin texnologiyalarına qoyulan məhdudiyyətlər, həmçinin Çin tərəfindən nadir torpaq elementlərinin nəzarətinin gücləndirilməsi səbəbindən iki ölkə arasında gərginlik artmışdı.

Son bir ildə tərəflər Cenevrə, London, Stokholm, Madrid və Kuala-Lumpurda ticarət münaqişəsinin həlli üçün danışıqlar aparmışdılar.

Müzakirələrdə tarif artırımlarının müvəqqəti dayandırılması barədə razılıq əldə olunub və 5-ci raund müzakirələrin sonunda ticarət problemlərinin qismən həlli üçün müvəqqəti qaydalar üzərində sektormaları razılaşdırıblar.

Donald Tramp və Si Cinpin 30 oktyabr 2025-ci ildə Cənubi Koreyanın Busan şəhərində keçirilən görüşdən sonra müsbət mesajlar verdilər və müvəqqəti razılıq əldə edildi.