Palantir Technologies Inc. (NASDAQ: PLTR) 29 iyun tarixində Nvidia ilə strateji tərəfdaşlığa imza atıb. Hədəf ikinci tərəfin açıq süni intellekt modellərini suveren mühitlərdə işlədə bilən intellekt mühərrikini təqdim etməkdir.

Razılaşmaya əsasən, Nvidia-nın süni intellekt platforması Palantir-in AIP, Ontology, Foundry və Apollo kimi əsas infrastruktur məhsulları ilə inteqrasiya olunacaq. Bu birləşdirilmiş məhsullar dövlət təşkilatlarına öz verilənləri üzərində süni intellekti öyrətməyə və yaranan modellərin sahibi olmalarını təmin edəcək. Təqdimat öncədən elan olunan Sovereign AI Operating System Reference Architecture əsasında hazırlanıb.

Palantir-in infrastrukturu Nvidia-nın AI və Nemotron modelləri ilə birləşərək ABŞ dövlət təşkilatlarına böyük dil modellərinin tam imkanlarından istifadə etməyə şərait yaradacaq və təhlükəsizlik risklərinin qarşısını alacaq. Nvidia-nın təsisçisi və CEO-su Jensen Huang əməkdaşlığın dövlət qurumlarına təhlükəsiz, fərdiləşdirilə bilən və tam nəzarətdə olan süni intellekt sistemləri qurmağa imkan verəcəyini deyib.

Palantir Technologies proqram təminatları — Gotham, Foundry və AIP (Süni İntellekt Platforması) — böyük həcmli verilənlərin inteqrasiyası və təhlili üçün mərkəzi əməliyyat sistemi funksiyasını icra edir. Bu proqramlar həm dövlət, həm də kommersiya təşkilatlarına parçalanmış verilənləri sintezləməyə, mürəkkəb əməliyyat qərarları verməyə və süni intellekt modellərini özəl şəbəkələrdə təhlükəsiz tətbiq etməyə kömək edir.