Maldiv adalarında qaya dalışı icrası zamanı beş italyan can verib, bu barədə Romada xarici işlər nazirliyi məlumat verib.

Nazirliyin bildirdiyinə görə, dalğıclar dərinliyi 50 metr olan mağaraların kəşfi zamanı həlak olublar. Hadisə Vaavu Atollunda baş verib.

Maldiv ordusu mağarada təxminən 60 metr dərinlikdə bir meyit tapıldığını və digər dörd dalğlının da həmin mağarada olduğunu ehtimal edir.

Bölgeyə xüsusi avadanlıqlarla təchiz edilmiş dalğıclar göndərilib və axtarış əməliyyatı çox yüksək risk kimi təsvir olunub.

Bu hadisə Hind Okeanındakı kiçik ada dövləti üçün ən ağır tək dalğıc qəzası hesab edilir. Maldivlər korall adalarının zənciri olduğuna görə turizm üçün məşhur məkandır.

İtalyan beş nəfər cümə günü səhər suya girib. Onların üzdüyü dalğıc gəmisinin heyəti sonradan onların səthə çıxmadığını qeydə alıb və yoxa çıxdıqlarını bildiriblər.

Polisin məlumatına görə, hadisə baş verən ərazidə, paytaxt Maledən təxminən 100 kilometr cənubda hava şəraiti pis olub. Sərnişin gəmiləri və balıqçılar üçün sarı xəbərdarlıq elan edilib.

Genova Universiteti daha sonra yayımladığı bəyanatda, qurbanların arasında dəniz biologiyası professoru, onun qızı və iki gənc tədqiqatçının olduğunu açıqlayıb. Universitet sosial şəbəkədə dərin hüznlə başsağlığı verib.

Dalğıc və snorkel qəzalrı Maldiv adalarında nisbətən nadir hallarda baş verir, ancaq son illərdə bir neçə ölüm faktı qeydə alınıb.

Ötən dekabrda təcrübəli britaniyalı qadın dalğıc Ellaidhoo adası yaxınlığında boğulub, onun həyat yoldaşı beş gün sonra xəstələnərək vəfat edib.

2024-cü ildə isə Yaponiya parlament üzvü Lhaviyani Atollunda snorkel edərkən həlak olub.