Kosciuszko milli parkında yabanı atların sayı kəskin artıb. Yeni apardılan araşdırmanın nəticələrinə görə, Yeni Cənubi Uels hökumətinin 2025-ci ildə hava üsulu ilə kəsimi dayandırmasından sonra atların sayı minlərlə artıb.

Mühafizəçilər atların sayının çoxalmasını ciddi narahatlıqla qarşılayır və parka minlərlə atın qalmasına imkan verən saxlanma zonalarının yenidən nəzərdən keçirilməsini tələb edirlər.

Hökumətin keçirilən illik yabanı atların sayının qiymətləndirilməsi araşdırmasının nəticələri göstərir ki, 2025-ci ilin sonlarında milli parkda 6 476-dan 16 411-ə qədər yabanı at var.

Bu əvvəlki ilə nisbətən ciddi artımdır. 2024-cü ildə hava üsulu ilə atların vurulmasına başlayandan sonra aparılan ilk sorğuda atların sayı 2 131-5 639 olaraq qiymətləndirilmişdi.

Parkda yabanı atlar və digər heyvanların kəsilməsinə iyun ayında yenidən başlanacaq.

Yeni Cənubi Uelsin ətraf mühit naziri Peni Şarp qeyd edib ki, məlumatlar "davamlı idarəetmənin" vacibliyini təsdiqləyir və hüquqi tələblərə uyğun olaraq, yabanı atların sayını 2027-ci ilin ortalarına qədər 3 000-ə qədər azaltmaq lazımdır.

O əlavə edib ki, atların azaldığı yerlərdə torpaq örtüyü və bitki örtüyünün bərpasının ilkin əlamətləri var, lakin ümumilikdə heyvanların sayı hələ də çoxdur və yabanı atların Kosciuszko bölgəsinin həssas alp mühitinə vurduğu zərərlər aşkar görünür.

Hökumət öz sayının tənzimlənməsi üçün bütün variantları nəzərdən keçirir və parka atların çoxalmasının qarşısını almaq məqsədilə müstəqil mütəxəssisin köməyi ilə reproduktiv nəzarət sınağı təşkil etməyi planlaşdırır.

"Heç kəs atları öldürmək istəmir, ancaq Kosciuszko milli parkında hələ də çox sayda at var," – deyə Peni Şarp vurğulayıb.

"Biz ən yaxşı elmi məlumatlardan istifadə edəcək və tələb olunan populasiya hədəfinə çatmaq üçün ehtiyatlı, əsaslandırılmış yanaşma tətbiq edəcəyik. Məqsəd yerli bitki örtüyünü, heyvanları, su mənbələrini və mədəni dəyərləri qorumaqdır."

İnvasive Species Council-un baş icraçı direktoru Cek Qof bildirib ki, atların sayının artması hökumətin 2025-ci ildə heç bir nəzarət tədbiri həyata keçirməməsinin nəticəsidir və bu səbəbdən kəsimlərin hər il keçirilməsi vacibdir.

O həmçinin Kosciuszko milli parkı üçün yabanı atların idarə edilməsi planına təcili dəyişikliklərin edilməsini istəyib. Bu plan 32% ərazini əhatə edən dörd zonada ən azı 3 000 atın saxlanmasını nəzərdə tutur.

Bu zonalar əvvəlki koalisiya hökuməti tərəfindən qəbul edilmişdir və milli partiyanın tələbi əsasında atsevərlərə güzəşt kimi tətbiq olunub. Cek Qof zonaların ləğv edilməli və atların sayının mümkün qədər sıfıra endirilməli olduğunu vurğulayıb.

O əlavə edib ki, parlament keçən il Kosciuszko yabanı atların irs qanununu ləğv edərək nazirə planı dəyişdirmək səlahiyyəti verib.

"Həmçinin geniş siyasi razılıq olmasına baxmayaraq hökumətin hələ də bu saxlanma zonalarını və 3 000 at hədəfini ləğv etməməsi təəssüf doğurur," – deyə Cek Qof qeyd edib.

"Burada milli park var, at otlağı deyil."