Ötən il Takashi Murakami ilə "Dodgers" üçün uğurlu əməkdaşlıqdan sonra Major League Baseball, "Fanatics" və "Complex" yenidən bir araya gəlib. Bu dəfə "Kaws x MLB" kolleksiyası çərçivəsində məşhur Brooklyn mənşəli sənətçi Kaws "Dodgers" və "Yankees" komandalarının loqotiplərini təkrar yaradır.

Kolleksiya iyulun 17-dən 19-na qədər "Yankee Stadium"da təşkil olunacaq "Yankees" və "Dodgers" arasındakı üç oyunluq seriyaya təsadüf edir.

Kolleksiya Kaws-un məşhur XX motivi və Companion xarakteri ilə birlikdə klassik "Yankees" və "Dodgers" ikonalarını özünəməxsus tərzdə təqdim edir. Kaws, əsl adı Brian Donnelli olan Nyu-Cersi mənşəli qraffiti rəssamı kimi tanınır. O, məşhur cizgi film xarakterlərini - məsələn, Mikki Maus və SponcBob-u gözləri X şəkili ilə yenidən dizayn edir. "Nike", "Uniqlo" və "Dior" kimi müxtəlif markalarla daha əvvəl əməkdaşlıq edib.

Kaws x MLB kolleksiyasına "Nike"ın jersiləri, Tşortlar, kapüşonlu sviterlər, uyğun və snapbek papaqlar, həmçinin "Rawlings" beysbol topları və "Marucci" kütükləri daxildir. Həmçinin, xüsusi seriyada Kaws-un Companion xarakterinin yer alacağı "Topps" ticarət kartları təqdim ediləcək. Companion Mikki Maus stilində gözləri X şəkilli və şişirdilmiş skelet və sümüklər elemetləri olan fiqurdur. Bu kartlar arasında xüsusi buraxılışlar və təsadüfi Kaws-autogramları da olacaq.

Kolleksiya iyulun 16-dan 19-na qədər Nyu-Yorkda "Fanatics Fest"də, iyulun 16-dan etibarən "Yankees Stadium"un komanda mağazalarında, iyulun 31-də isə "Dodgers Stadium"da satışa çıxarılacaq. Bundan başqa, kolleksiya "Complex", "MLB" və "Fanatics"in elektron ticarət saytlarında, Nyu-Yorkdakı "MLB" qovşağında, "Nike" saytında və fiziki mağazalarında da əldə edilə biləcəkdir.