İranın ABŞ ilə danışıqlarla bağlı Tehrandan Vaşinqtona ötürülən təkliflər mətninə sanksiyaların ləğvi, İslam Respublikasının Hörmüz boğazı üzərində tam nəzarəti və İranın xaricdəki aktivlərinin dondurulmasının aradan qaldırılmasına dair bəndlər daxildir. Bu barədə İranın Tasnim agentliyi məlumatlı mənbəyə istinadən bildirib.

Agentliyin mənbəsi qeyd edib: “İran tərəfindən ABŞ ilə danışıqlarla bağlı ötürülən təkliflər mətnində müharibənin dərhal dayandırılmasının və İrana qarşı hücum etməməyə dair zəmanətlərin verilməsinin vacibliyi vurğulanır… ABŞ sanksiyalarının ləğvi, bütün cəbhələrdə müharibənin dayandırılması və İranın Hörmüz boğazı üzərində nəzarətinin qurulmasının zəruriliyi qeyd olunur.”

Bildirilir ki, İranın təkliflər mətninə ilkin razılaşma imzalandıqdan sonra İranın dəniz blokadasının dayandırılması və İranın xaricdəki aktivlərinin dondurulmasının aradan qaldırılması, o cümlədən Amerika Xarici Aktivlərə Nəzarət İdarəsi (OFAC) tərəfindən İran neftinin satışına qoyulmuş sanksiyaların ləğvi kimi bəndlər də daxil edilib.

ABŞ və İsrail fevralın 28-də İran ərazisindəki obyektlərə zərbələr endirməyə başlamış, təcavüzün qurbanları 3 mindən çox insan olmuşdur. Vaşinqton və Tehran aprelin 8-də atəşkəs elan etmişdilər. Bundan sonra İslamabadda keçirilən danışıqlar nəticəsiz başa çatmışdı, lakin hərbi əməliyyatların bərpası barədə məlumat verilməmişdi, lakin Birləşmiş Ştatlar İran limanlarının blokadasına başlamışdı.