Google ağıllı eynəklər sahəsinə yenidən daxil olur.

Çərşənbə axşamı Google I/O tədbirində şirkət Warby Parker və Gentle Monster ilə yeni süni intellektlə işləyən eynək xətti istehsalı üçün əməkdaşlıq elan etdi. Şirkət bildirib ki, cihazlar Android və iOS cihazları ilə əlaqələndiriləcək və Samsung ilə birgə dizayn olunub. Onlar bu ilin sonlarında satışa çıxacaq.

Google yeni cihazları “səsli eynəklər” adlandırır, çünki istifadəçilər onlara şifahi əmrlər verərək Gemini daxil olmaqla tətbiq və xidmət ekosistemi vasitəsilə işləri yerinə yetirə biləcəklər.

İstifadəçi sadəcə eynəyi ilə danışır (çərşənbə axşamı nümayişdə bir Google işçisi sadəcə eynəklə danışaraq onlayn qəhvə sifariş edir), sinxronizasiya olunmuş cihaz isə əmri yerinə yetirir.

Google illər ərzində bir neçə dəfə ağıllı eynəklərlə məşğul olub. Şirkət məşhurGoogle Glass eyni adlı məhsulunu illər öncə təqdim edib, hansının ki, nəticəsində “glassholes” kimi mənfi ifadə yaranıb.

Lakin o vaxtdan ağıllı eynək sahəsi müəyyən qədər dəyişib. Son dövrdə əsasən Meta olmaqla böyük şirkətlər və bir sıra startaplar, kiçik firmalar bu sahəyə sərmayə yatırıblar.