Bu gün "Discord" abunəçilər üçün "Microsoft", "Logitech" və "SteelSeries" kimi üçüncü tərəflərin üstünlüklərini "Nitro" abunəliyinə daxil edən yeni bir proqram olan "Nitro Rewards"ın (Nitro Mükafatları) işə salındığını elan edir. Əsas əlavə ondan ibarətdir ki, "Nitro" üzvləri indi əlavə ödənişsiz "Xbox Game Pass"in yeni başlanğıc versiyasını əldə edəcəklər.

Keçən ay sızan "Xbox Game Pass" başlanğıc versiyası PC və Xbox sahiblərinə "Fallout 4", "Stardew Valley" və "DayZ" kimi oyunlar daxil olmaqla 50-dən çox oyunu yükləməyə imkan verir. Başlanğıc versiyasına həmçinin ayda 10 saat "Xbox Cloud Gaming" axını və mükafatlarla "Xbox Store"da ildə 25 dollara qədər qazanmaq imkanı daxildir.

"Game Pass" paketi ilə yanaşı, "Nitro" abunəçiləri "Logitech G"də 30 faizə qədər, "SteelSeries"də 15 faiz və "KontrolFreek"də 20 faiz endirim əldə edəcəklər. "Nitro" üzvləri həmçinin hər ay avtomatik olaraq 250 Orb alacaqlar ki, bu da "Discord"un istifadəçiləri avatar bəzəkləri və ya oyun içi bonuslar kimi şeylər müqabilində reklam izləməyə təşviq etmək üçün istifadə etdiyi tətbiqdaxili valyutadır.

"Xbox"ın "Logitech" və "SteelSeries" ilə yanaşı flaqman tərəfdaş kimi proqramda iştirak etməsi bu proqramın nə təklif edə biləcəyinin güclü bir siqnalıdır və biz böyüdükcə daha çox üstünlük əlavə etmək üçün imkanlar axtarmağa davam edəcəyik", - "Discord"un məhsul üzrə baş direktoru Lu Zanq (Lu Zhang) bildirib.