Cümə günü böyük bankların gözləntiləri aşan gəlirləri Federal Ehtiyat Sisteminin (FED) yaxın iki iclasında faiz dərəcələrini artıracağı ilə bağlı narahatlıqları artıraraq səhmlərin ucuzlaşmasına səbəb oldu.

Buna baxmayaraq, əsas indekslər həftəni yüksəlişlə bağladı. "Dow" 400 bənd, yəni 1,2% yüksəldi. S&P 500 0,8%, "Nasdaq Composite" isə 0,3% irəlilədi.

"JPMorgan Chase" cümə günü ilk rüb üçün mənfəət və gəlir göstəricilərinin gözləntiləri qat-qat aşdığını bildirdi. Bu nəticə "FED"in faiz dərəcələrini artırma kampaniyası ilə güclənmişdi. "Citigroup", "Wells Fargo" və "PNC Financial" da güclü nəticələr açıqladı.

"Wall Street" bu məlumatları nəzərə almış görünür. Analitiklər "FED"in may iclasında dörddə bir faiz, iyun ayında isə daha bir faiz artımı ehtimallarını artırdılar.

Federal Ehtiyat Sisteminin İdarə Heyətinin üzvü Kristofer Uoller (Christopher Waller) cümə günü mərkəzi bankın pul siyasətini sərtləşdirməyə davam etməli olduğunu bildirdi ki, bu da bazarlara əlavə təzyiq göstərdi.

"Chicago" Federal Ehtiyat Bankının prezidenti Ostin Qulsbi (Austan Goolsbee) isə ötən ay bank sektorundakı çaxnaşmadan sonra ABŞ-ın yüngül resessiyaya girməsinin "mütləq" mümkün olduğunu söylədi.

Bu arada, pərakəndə satış məlumatları gözləniləndən daha çox azaldı ki, bu da amerikalıların xərcləmə qabiliyyətinin və ABŞ iqtisadiyyatının zəiflədiyini göstərir.

"Michigan" Universitetinin son aylıq sorğusuna görə, resessiya narahatlıqları davam etsə də, istehlakçı əhval-ruhiyyəsi aprel ayında nisbətən sabit qalıb.

"Bu səhər həzm etmək üçün çox xəbər var idi, lakin əsas nəticə odur ki, "FED"in daha çox zərər vermək üçün yeri var," deyə "OANDA"nın baş bazar analitiki Edvard Moya (Edward Moya) qeyd edib.

"Dow" 144 bənd, yəni 0,4% gerilədi. S&P 500 0,2% azaldı. "Nasdaq Composite" 0,4% düşdü.

Səhmlər ticarət günündən sonra sabitləşdikcə, səviyyələr bir qədər dəyişə bilər.