Kazuo İshiquronun növbəti romanı 2027-ci ilin martında çap olunacaq. Əsərin mövzusu 1930-cu illərdə casusluqdur.

"Miss Lambert Steps Aboard Danger" adlanan bu kitab ABŞ və Kanadada "Knopf", İngiltərədə isə "Faber" nəşriyyatı tərəfindən nəşr olunacaq. Roman 1938-ci ilin Londonunda başlayır. Richard Hadley musiqi tədbirindən sonra sirli Miss Lambert ilə qarşılaşır. Onları ortaq bir mahnıya olan sevgi birləşdirir.

Daha sonra Richard, Miss Lambertin Devon yaxınlığındakı Marlborough House-da keçirilən məxfi konfransına yollanır. Miss Lambert ona mühüm bir kəşfə yaxın olduğunu deyir və başa düşməyən Richarddan işinə mane olmamağı xahiş edir.

Richard yolboyu keçmiş məktəb dostu, bir vaxtlar tory naziri olmuş şəxs və digər naməlum adamlarla rastlaşır. Bu insanlarla qarşılaşması onun baş verənlərdən xəbər tutmasına və hadisələrin mərkəzinə düşməsinə səbəb ola bilər.

Bu Kazuo İshiquronun 2021-ci ildən sonra ilk romanıdır. O, bu müddət ərzində Amerika caz müğənnisi üçün mahnı sözləri toplusu çap edib. Bundan əlavə, onun "Klara and the Sun" romanının kinoya uyğunlaşdırılması üzərində iş gedir. Filmdə baş rollarda Eymi Adams və Cenna Ortega iştirak edəcək.

İshiquro sadə mövzuları dərin təhlil edən və geniş oxucu kütləsinə malik yazardır. Növbəti əsərində də oxucularını yeni həyəcanlar gözləyir.