Brüsseldə keçirilən AB Müdafiə Nazirləri Toplantısının yekunlarına dair açıqlama verən Kaja Kallas, üzv ölkələrin müdafiə sahəsinə böyük məbləğdə maliyyə vəsaiti ayırdığını, lakin sənayenin bu tələbi qarşılamaq üçün nəzərdə tutulan miqdarda istehsalı artıra bilmədiyini qeyd edib.

Bu barədə verilən suala cavab verərkən Kallas, "Sektorun gözlədiyimiz kimi bir təkan qazanmadığını gördük" ifadəsini işlədib və bu mövzuda məyusluğunu dilə gətirib.

Avropa Müdafiə Agentliyinin (EDA) innovasiya və sınaq işləri üçün xüsusi strukturlarla gücləndirilməsi barədə razılığa gəlindiyini bildirən Kallas, müdafiə sahəsində innovasiyanın siyasi prioritetə çevrilməli olduğunu vurğulayıb.

Kallas, toplantıda birgə tədarük və müdafiə potensialının artırılması məsələlərinin də müzakirə edildiyini və Rusiyanın uzunmüddətli münaqişəyə hazırlaşdığını qeyd edib.

Rusiyanın Qərblə uzunmüddətli qarşıdurmaya hazırlandığını ifadə edən Kallas, "Rusiyanın Avropa müdafiəsini sınaqdan keçirib-keçirməyəcəyi bizdən asılıdır. Zəiflik nümayiş etdirmək təcavüzü dəvət edir" deyə bildirib.

Orta Şərq və dəniz təhlükəsizliyi mövzusu çərçivəsində Hürmüz Boğazına da toxunan Kallas, bölgəni "müharibə və sülh arasında qalan boz zona" adlandırıb. Boğazın bağlanmasının qəbul ediləz olduğunu bildirən Kallas, enerji və ticarət axınının qorunması üçün diplomatik səylərin davam etdirilməli olduğunu qeyd edib.

Kallas, həmçinin, AB-nin Qırmızı dənizdə həyata keçirdiyi "Aspides" dəniz əməliyyatının, mövcud səlahiyyət çərçivəsi uyğun olduğu təqdirdə Hürmüz Boğazını da əhatə edəcək şəkildə genişləndirilə biləcəyinə işarə edib.