Donald Tramp sosial media hesabından Cənubi Amerika qitəsinin şimal hissəsinin şəklini paylaşıb. Şəkildə Venesuelanın ABŞ bayrağı ilə örtüldüyü görünüb. Tramp paylaşımında "51. ştat" ifadəsini işlədib.

51. ştat Tramp ABŞ mətbuatına verdiyi 11 may tarixli müsahibəsində Venesuelanı ABŞ-ın 51-ci ştatı etməyi "ciddi şəkildə" düşündüyünü bildirərək, "Venesuela Trampı sevir" ifadəsini işlətmişdi. Tramp bu ölkədə "40 trilyon dollarlıq" neft ehtiyatının olduğunu qeyd edərək, bu resursların ABŞ üçün çox əhəmiyyətli olduğunu vurğulamışdı. Venesuelanın müvəqqəti prezidenti Delcy Rodriqez isə dünən etdiyi açıqlamada Trampın fikirlərinə "müstəqillik" vurğusu ilə cavab vermişdi. Rodriqez "Belə bir şey heç vaxt qəbul edilə bilməz. Çünki Venesuelalıları müəyyən edən ən əsas xüsusiyyətlərdən biri müstəqillik mübarizəmizə və bu mübarizənin qəhrəmanlarına, qadın qəhrəmanlarına bağlılığımızdır. Ölkəmizin bütövlüyünü, suverenliyini və müstəqilliyini müdafiə etməyə davam edəcəyik" ifadəsini işlətmişdi. Venesuelaya yanvarda hərbi müdaxilə ABŞ 3 yanvarda hərbi müdaxilə təşkil etdiyi Venesuelada dövlət başçısı Nikolas Maduronu saxlayaraq ölkə xaricinə çıxarmışdı. Bunun ardınca Venesuela ilə neft müqaviləsi imzalayan Tramp, bununla bağlı açıqlamalarında müvəqqəti prezident Delcy Rodriqez ilə "yaxşı anlaşıldığını" bildirmişdi. Tramp əvvəlki açıqlamalarında da Venesuelanı ABŞ-a bağlı bir ştat etmək istədiyini söyləmişdi.