ABŞ Prezidenti Donald Tramp (Donald Trump) Ağ Evdə keçirdiyi bir tədbirdən sonra jurnalistlərin gündəmlə bağlı suallarını cavablandırıb.

Tramp, çərşənbə günü Pekində olacağını və cümə axşamı günü Çin Prezidenti Si Cinpin (Xi Jinping) ilə görüşlərə başlayacağını bildirərək, Çin lideri ilə “çox yaxşı anlaştığını” dilə gətirib.

Si Cinpin ilə əsasən iki ölkə arasındakı ticarət əlaqələri, enerji və digər mövzuları müzakirə edəcəklərini deyən Tramp, bu görüşlərdə İran və Tayvan başlıqlarının da masaya gələcəyini vurğulayıb.

Çinin Hörmüz boğazından keçən neft tankerlərinə ehtiyacı olduğuna işarə edən ABŞ Prezidenti, bu mövzunu əhatəli şəkildə müzakirə edəcəklərinin altından xətt çəkib.

Tramp, bir sual üzərinə, ABŞ-ın Tayvana silah satışını dayandırıb-dayandırmayacağı barədə, “Bu mövzunu Prezident Si Cinpinlə müzakirə edəcəyəm. Prezident Si Cinpin bunu istəmir və mən də bu mövzunu onunla danışacağam. Bu, ələ alacağım bir çox mövzudan biridir” açıqlamasını verib.

“O və mən yaxşı yola gedirik. 1,4 milyard insanı olduqca sərt bir əl ilə idarə edir və ölkəsini çox sevir” deyən Tramp, səfəri zamanı iki ölkə üçün əhəmiyyətli danışıqlar aparacaqlarını qeyd edib.