Gözləntilərin əksinə, Tesla Cybercab istehsalata daxil olub. İlon Maskın rəhbərlik etdiyi şirkət bu kiçik, avtonom iki nəfərlik avtomobil üçün tam plan hazırlamasa da, onun etibarlılığına dair sənədləri təqdim edir. Tesla yaxınlarda Ətraf Mühitin Mühafizəsi Agentliyinə avtomobilin çəkisi, batareya həcmi və ilkin məsafə göstəricilərini təqdim edib.

Bunlar Tesla-nın indiyədək hazırladığı ən yüngül və ən enerji səmərəli avtomobil olduğunu göstərir. Eyni zamanda bazardakı ən səmərəli elektrik avtomobillərindən biridir.

EPA sənədlərinə əsasən, Cybercab 219 at gücündə tək ön təkərli daimi maqnit mühərrikinə malikdir. Avtomobilin 48 kVt/saatlıq kompakt batareya paketi və 3.113 funt (təxminən 1.413 kiloqram) yüngül çəkisi var. Bu, bazardakı ən yüngül Model 3-dən təxminən 700 funt yüngüldür. Mayın 21-də təqdim olunan sertifikat Car and Driver tərəfindən aşkar edilib və ABŞ-da satış üçün tələb olunur.

Cybercab-ın yüngül çəkisi onun sükanı və ənənəvi idarəetmə sistemlərini çıxarılmasından irəli gəlir. Bu, tam avtonom nəqliyyat vasitəsi olma məqsədinə uyğundur. Elektrik avtomobilləri adətən ağır olur, çünki 300 mildən çox məsafə qət etmək üçün böyük batareyalar tələb olunur. Cybercab isə nisbətən yüngül lityum-ion batareya ilə qazla işləyən kiçik avtomobillə eyni çəkidədir.

Çəkinin azaldılması Tesla-ya kiçik batareyadan maksimum məsafə qət etməyə imkan verir. EPA-nin ilkin rəqəmlərinə görə, Cybercab 418 mil məsafə qət edə bilir. Testlər başa çatdıqda gerçək məsafənin 290-300 mil arasında olacağı gözlənilir ki, bu da Tesla-nın hədəflədiyi rəqəmlərlə üst-üstə düşür.

Cybercab mil başına 165 Vatt-saat enerji sərfiyyatı ilə bazarda ən səmərəli elektrik avtomobilidir. Əvvəl ən səmərəli sayılan Lucid Air üçün bu göstərici 230 Vatt-saata bərabər idi. Bu səmərəlilik sayəsində Cybercab bir kilovatt-saat enerji ilə təxminən 6 mil yol qət edə bilir. Standart elektrik avtomobilləri isə 3-4 mil arasında qət edir. Bu, Tesla üçün gündə 20 saat işləmə planına böyük üstünlükdür.

Hələ ki, Cybercab-ın istifadəyə verilməsi ilə bağlı real plan yoxdur. Tesla hazırda Texasın bir neçə şəhərində 60-dan az sayda Model Y robotaksini idarə edir. İlon Mask isə 2025-ci ilin sonuna qədər ABŞ əhalisinin yarısına bu xidməti təqdim etmək istədiyini bildirmişdi. Tesla Las-Veqas və Florida şəhərlərində icazə almağa çalışır, ancaq Cybercab-ın istifadəyə verilmə tarixi barədə məlumat verməyib.