"On" investoru və tərəfdaşı Roger Federer-in 29 avqustda Beynəlxalq Tennisin Şöhrət Zalına daxil olmasına qədər xüsusi buraxılış idman ayaqqabısı hazırlayıb. Tennis Şöhrət Zalına daxilolma sentyabrın 29-da baş tutacaq.

"The Roger Centre Court" adlanan bu xatirə ayaqqabısı Federer-in Wimbledon-da geyindiyi geyimlərdən ilhamlanıb. Həmin geyimlərdən biri hazırda Beynəlxalq Tennis Şöhrət Zalında sərgilənir.

Ayaqqabı Ivory və Fern rəng kombinasiyasında hazırlanıb. Üstündə ağ rəng həkk olunub, qızılı vurğular və incə yaşıl detallarla tamamlanıb. Federer-in tövsiyəsi ilə ot rəngində corab astarı əlavə olunub. Ayaqqabının daban hissəsi qızılı rəngdədir və Beynəlxalq Tennis Şöhrət Zalının raket nişanəsi ilə bəzədilib, bu onun irsinə işarədir. Ayaqqabının çəkisi 191 qram, daban hündürlüyü isə 7 millimetrdir. Modellər Avropa ölçüləri üzrə 36-dan 49-a qədər təqdim olunacaq.

Dünyada yalnız 20 000 cüt buraxılan ayaqqabılar xüsusi qablaşdırmada təqdim olunur. Hər bir cüt qızılı vurğulara, yaşıl kort ilhamlı kənarlara malikdir və qablaşdırmanın qapağında Federer-in şəxsi mesajı yerləşdirilib.

"On" və Federer yeni kampaniya filmi də təqdim edib. "Baseldən olan oğlan" adlanan kampaniya İsveçrənin Bazel şəhərində çəkilib. Film gənc Federer-in uşaqlıq evindən yerli tennis klubuna velosiped ilə yolunu izləyir. Bu, onun karyerasının başlanğıcına diqqət çəkir və davamlı arzusunu göstərir.

Federer bəyan edib: “Beynəlxalq Tennis Şöhrət Zalına daxil olmaq böyük şərəfdir. İzləyicilər və tennis ictimaiyyəti mənim yolumun ilk günündən bəri ayrılmaz hissəsidir. Bu xatirə ayaqqabısı ilə sadə bir şey yaratmaq istədik — hər kəsə üzərinə geyindikdə çəmənliyə addım atmış hissi verən tennis mədəniyyətinin bir parçası.”

Federer "On" ilə münasibətinə 2019-cu ildə başlayıb. Tennis əfsanı İsveçrə qaçış brendinə sərmayə qoyub və həmtəsisçi olub. 2020-ci ildə birgə ilk layihələri olan "The Roger Centre Court 0-Series"i təqdim ediblər.

"The Roger Centre Court" – Beynəlxalq Tennis Şöhrət Zalına xas buraxılış idman ayaqqabısı 200 dollara satılacaq və 25 avqustdan etibarən yalnız On.com saytında satışa çıxarılacaq.