Eyfel Qülləsinin orijinal spiral pilləkəninin bir hissəsi Parisdə Artcurial tərəfindən təşkil olunan hərracda təxminən 450 min avro (523 min dollar) dəyərində satılıb.

Bir fransız kolleksioner 1889-cu ildən qalan, təxminən üç metr (təxminən 9 fut) hündürlükdə spiral pilləkənin 14 pilləkəndən ibarət və 1,4 ton ağırlığında olan bu parçasını alıb. Hərrac öncəsi onun qiyməti 120 min ilə 150 min avro arasında qiymətləndirilmişdi.

Pilləkən Parisin məşhur abidəsinin ikinci və üçüncü mərtəbələrini birləşdirən spiral pilləkənin bir hissəsi olub. 1983-cü ildə lift quraşdırıldığı zaman pilləkən 24 fərqli ölçüdə hissəyə bölünüb.

Bu parçalar koleksiyaçılar arasında böyük maraq doğurub və hazırda dünyanın müxtəlif yerlərində saxlanılır. Onlardan bəziləri Nyu Yorkdakı Azadlıq Heykəlində, bəziləri Yaponiya Yoishii Fondunun bağlarında yerləşir. Digərləri isə şəxsi kolleksiyalardadır.

2016-cı ildə Artcurial hərracı pilləkənin başqa 14 pilləkənlik hissəsini Asiya mənşəli alıcıya təxminən 524 min avroya satıb. Əvvəlki rekord 2008-ci ildə ABŞ-dan olan bir kolleksioner tərəfindən 553 min avroya əldə edilən pilləkən parçası olub.

Parisin Olimpiya Oyunları Eyfel Qülləsinə marağı artırdı

Artcurial Parisdə Art Dekor dizayn direktoru Sabrina Dolla deyib ki, "Eyfel Qülləsinin bir hissəsini aldığınızda, əslində Parisin bir hissəsini, eləcə də onun simvolikası və təsəvvürlərini alırsınız”.

Dolla əlavə edib ki, 2024 Pariz Olimpiya Oyunları Eyfel Qülləsinə kolleksiyaçılar arasında marağı artırıb. Olimpiada dövründə qüllə və digər abidələr, o cümlədən Place de la Concorde və Grand Palais müxtəlif tədbirlərin mərkəzində olub.

"Biz Eyfel Qülləsinin simvolizmi və estetik cazibəsində yenidən canlanma müşahidə edirik", - deyə o vurğulayıb.

Mühəndis Qustav Eyfel 1889-cu ildə Parisdə Dünya Sərgisi üçün Eyfel Qülləsini yaradıb. Hazırda bu 324 metr hündürlüyündə olan tikili dünyanın ən çox ziyarət edilən turist obyektlərindən biridir və Fransada ən çox ziyarət edilən abidədir.