Çində məhkəmə süni intellektlə əvəz olunan işçiyə qarşı haqsızlıq edildiyi qənaətinə gəlib və ona 260,000 yuan məbləğində təzminatın ödənməsinə qərar verib.

Zhou soyadlı işçi 2022-ci ildə Hangzhou şəhərində yerləşən texnologiya şirkətində keyfiyyətə nəzarət üzrə mütəxəssis kimi çalışırdı. Şirkət sonradan süni intellektin onun işini yerinə yetirəcəyini bildirib, ona vəzifə azaldılması və 40% əməkhaqqı endirimi təklif edib. Zhou isə buna etiraz edərək işdən çıxarılıb.

Əməkdaşlığın pozulmasına görə onun iddiası məhkəmə tərəfindən təmin olunub. Bu qərər Çin hökumətinin süni intellektin tətbiqi ilə iş yerlərinin qorunması barədə balanslı siyasətinin nümunəsi kimi diqqət çəkir, xüsusilə gənclər arasında yüksək işsizlik fonunda.

Çin dövlət mediası məhkəmə qərarını avtomatlaşdırmanın əmək hüquqlarını qorumaq istiqamətində önəmli siqnal kimi qiymətləndirib. Ölkədə əhali texnologiyaya və süni intellektə digər ölkələrlə müqayisədə daha müsbət yanaşır.

Belə ki, Ipsos sorğusuna görə, Çinlilərin 80%-dən çoxu süni intellekt məhsullarından məmnundur, halbuki Böyük Britaniya və ABŞ-da bu rəqəm 40%-dən azdır.

Buna baxmayaraq, müxtəlif sahələrdə sürətli süni intellektin tətbiqi iş itkiləri ilə bağlı narahatlıqların artmasına səbəb olur. Çin gənclər arasında işsizlik səviyyəsi hələ də yüksək olaraq qalır.

Brookings İnstitutundan Çin texnologiya və sənaye siyasəti üzrə ekspert Kyle Chan bildirib ki, Pekin süni intellektin yaratdığı işsizlik problemlərinə daha diqqətlə yanaşır. Əvvəllər bu risklər az qiymətləndirilsə də, indi işsizlik məsələlərinə dair mesajlar daha fəaldır.

Bu məsələ ilə bağlı digər nümunə kimi ötən il Pekində qadının 15 il işlədiyi vəzifədən avtomatlaşdırma aləti nəticəsində azad olunması qeyd olunur. Arbitraj komitəsi süni intellektin iş modelinə daxil edilməsinin qanuni olduğunu, lakin bu səbəbdən əmək müqaviləsinin başa çatdırılmasının əsas olmadığını vurğulayıb.

Yale Universitetinin Paul Tsai Çin Mərkəzindən Jeremy Daum deyib ki, texnoloji dəyişiklik müəssisənin qabaqcadan idarə etdiyi yeniləmədirsə, keçid xərcləri işçilərə yüklənə bilməz.