Yunanıstanın müdafiə naziri Nikos Dendias (Nikos Dendias) ölkənin yeni müdafiə planını açıqlayaraq hava, dəniz və quruda qüvvələrini gücləndirəcəklərini bildirib.

**'F-35'lər dönüş nöqtəsi'**

Yunan nazir yeni müdafiə planının hava, dəniz və quruda keçərli olacağını ifadə edərkən 200 müasir döyüş təyyarəsindən ibarət yeni bir donanmadan bəhs edib. O, 2028-ci ilin əvvəlində ABŞ-dan satın alınacaq F-35-lərin donanmaya qatılmasının qarşıdakı üç ilin dönüş nöqtəsi olacağını müdafiə edib. Dendias Fransadan alınan 24 "Rafale" döyüş təyyarəsinin və modernləşdirilən F-16-ların isə bunlara yoldaşlıq edəcəyini qeyd edib.

**100 min ehtiyat əsgər**

Dənizdə Fransadan alınan 4 "Belharra" tipli freqatın əsasını təşkil etdiyi, İtalyan "Bergamini" və modernləşdirilmiş "MEKO" gəmilərindən ibarət donanma ilə də dənizlərdə üstünlük təmin edəcəklərini iddia edən Yunan nazir, quruda da müntəzəm, 100 min nəfərdən ibarət ehtiyat orduya işarə edib. Qadın əsgərlərin də könüllü olaraq yer aldığı yeni müdafiə modelinin ölkənin çəkindiriciliyini artıracağını iddia edib.

**Türkiyəyə göndərmə**

Çıxışında Türkiyəyə də göndərmə edən Dendias, "Çoxlu pilotsuz uçuş aparatları istehsal edən və Yunanıstanı təhdid etməyi seçən bir ölkə var. Buna cavabımız "Centaurus" olacaq. Dünyanın ən inkişaf etmiş PUA-əleyhinə sistemlərindən biri olan bu sistem Yunan əlləri ilə istehsal edilmiş və Yunan beyinləri tərəfindən dizayn edilmişdir", - deyə bildirib.