UPS 2028-ci ilə qədər əsas qlobal bazarlarda əməliyyatlarını təkmilləşdirmək üçün 2 milyard dollardan çox sərmayə yatıracaq. Şirkət bizneslərin dəyişən ticarət marşrutları boyunca daha sürətli hərəkət etməsinə kömək etmək istəyir.

Bu sərmayənin bir hissəsi kimi UPS Filippin, Kanada və Honq-Konqda üç yeni logistika mərkəzi açacaq.

Filippindəki mərkəz ilin son rübündə istifadəyə veriləcək. Kanada və Honq-Konqda isə mərkəzlərin müvafiq olaraq 2026 və 2027-ci illərdə açılması planlaşdırılır. Yeni obyektlər səhiyyə, avtomobil və sənaye istehsalı kimi strateji bazarlara edilən sərmayələrin tərkib hissəsidir.

UPS-in icraçı vitse-prezidenti və beynəlxalq, səhiyyə və təchizat zənciri həlləri üzrə prezidenti Keyt Gatmann vurğulayıb ki, "Müştərilər görünürlük, sürət və rahatlıq tələb edən tam dövrəli logistika istəyirlər. Bu investisiyalar hava, yer, brokerlik və paylama xidmətlərini vahid həll şəklində birləşdirməyə imkan verir. Beləliklə, ötürmələr azalır, tam nəzarət artır və sistem sadələşir."

Sərmayə güclü qeyri-müəyyənliklərin hökm sürdüyü və ticarət siyasətlərinin qlobal mal və xidmət dövriyyəsinə təsir etdiyi bir vaxtdadır. Bu isə xərclərin artmasına və istehlakçıya yüklənməsinə səbəb ola bilər. Keçən il UPS əməliyyat personalından 34 min, idarəetmə işçi heyətindən isə 14 min vəzifəni azaldıb.

Son dövrdə UPS hava və yer hərəkətləri arasında sürət və qısa müddətli saxlama üçün optimallaşdırılmış 27 temperatur-nəzarətli yük keçid mərkəzi, Tayvanda logistika mərkəzi və cənubi koreyada avtomatlaşdırmanı gücləndirən inkişaf etmiş mərkəz açıb. Şirkətin Amsterdama da UPS Supply Chain Solutions mərkəzi fəaliyyət göstərir ki, orada yük daşımaları, brokerlik və soyuq zəncir həlləri toplanıb.

Keyt Gatmann qeyd edib: "Real vaxt rejimində izləmə və qabaqlayıcı monitorinq vasitəsilə ən temperatura həssas, vaxtı kritik və yüksək dəyərli daşımaları həm şəhər daxilində, həm də qlobal səviyyədə idarə edə bilirik."

UPS Asiyada səhiyyə, texnologiya və avtomobil kimi yüksək artımlı sektorların güclü tələbi ilə əlaqədar hava şəbəkəsində güc və sürət artırıb. Bu məqsədlə Paris-Honq-Konq və Şenzen-Sidney marşrutlarında həftədə beş uçuş həyata keçirir.

Müştərilər şirkətin yatırımlarından faydalanır.

Anker-in baş təchizat zənciri rəhbəri Adam Liu bildirib: "UPS yalnız məhsullarımızın daşınmasına kömək etmədi. Onlar daşımalar, brokerlik və ticarət ekspertizası ilə qarışıq çətinlikləri aşmağımıza dəstək oldular. İstehsalat şəbəkəmizi genişləndirərkən yeni ticarət tələbləri və yeni bazarlarla, həmçinin daha çox mürəkkəbliklə qarşılaşdıq. UPS bizə riskləri idarə etməklə irəliləməkdə əminlik verdi."