Haitidə yeni zorakılıq dalğası zamanı ən azı 30 nəfər həlak olub.

Rəsmi şəxslər bildiriblər ki, qüdrətli cinayətkar dəstə paytaxt Port-o-Prensdən cənubdakı kənd təsərrüfatı icmasına bazar günü gecə ölümcül hücum edib. Zorakılığın artması Haitinin on ildən çox sonrakı ilk ümumi seçkisini keçirmək ümidi ilə üst-üstə düşür.

Kenskof bələdiyyə başçısı Jan Massilon deyib ki, silahlı şəxslər evləri yandırıb, sakinləri öldürərək “cəkişmə zəminini yaradıb”.

O, dəstənin kilsəyə və ictimai sağlamlıq mütəxəssisi Jan William Pape-nin evinə hücum etdiyini bildirib.

Massilon deyib ki, bu hücumu ABŞ hökuməti ötən il “xarici terror təşkilatı” kimi tanıdığı Viv Ansanm qrupunun üzvləri törədib.

Təxminən 70 faiz Port-o-Prens ərazisi cinayətkar dəstələrin nəzarətindədir. Viv Ansanm dəfələrlə strateji mövqedə yerləşən Kenskofa, buradan bir neçə səfirlik, lüks otellər və hökumətin müvəqqəti qərargahının olduğu Petion-Villəyə gedən yollara hücum edib.

BMT-nin dəstəklədiyi cinayətkar dəstələrin zərərsizləşdirilməsi qüvvəsi polisə kömək etmək və qaydanı bərpa etmək məqsədilə fəaliyyət göstərsə də, hələ 5 min 500 üzv həddinə çatmayıb.

BMT-nin məlumatına görə, dəstə zorakılığı Haitinin müxtəlif regionlarında 1,5 milyon insanın evindən didərgin düşməsinə səbəb olub. Zorakılığın qarşısı alınmağa çalışılsa da, davam edir. Yanvardan iyun ayına qədər Port-o-Prensdə 3 min 100-dən çox adam öldürülüb, 1 min 189 nəfər yaralanıb, dəstələr terror hökümranlığını davam etdirib. Bu hadisələr ötən il beynəlxalq narahatlıq doğurub.

Haitinin baş nazirlik ofisi bazar ertəsi “çirkin hücumu” qınayaraq təhlükəsizlik qüvvələrinin yüksək səviyyədə təlimatlandırıldığını və əlavə qüvvələrin göndərildiyini açıqlayıb.

Bildirilir ki, “Kenskof tək qoyulmayacaq”. Hökumət nüfuzunu zəiflik etmədən və gecikmədən bərpa edəcək.

Haitililər yanvarda keçiriləcək seçkilərdə iştirak üçün qeydiyyatdan keçirlər, lakin mütəxəssislər səsvermənin hazırda çox təhlükəli olduğunu xəbərdarlıq ediblər.