Braziliyalı yarımmüdafiəçi Fabinyo Türkiyə Superliqasında mübarizə aparan Trabzonspor ilə iki illik müqavilə bağlayıb və sabiq "Liverpul" komanda yoldaşı Mohaməd Salahla birləşəcək.

32 yaşlı futbolçu komandanın bazar ertəsi Türkiyə fond birjasına verdiyi məlumatda bildirdi ki, hər mövsüm üçün ona 2,6 milyon avro (3,03 milyon dollar) təmin edilmiş məbləğ və 1,4 milyon avro (1,63 milyon dollar) imza haqqı veriləcək.

"Trabzonspor" ‌X platformasında "Hazırda sərbəst agent olan Fabinyo ilə iki illik müqavilə üzrə razılıq əldə olunub" məlumatını paylaşıb.

Fabinyo 2023-cü ildə Səudiyyə Ərəbistanının "Əl-İttihad" klubuna qoşulub. "Liverpul"da beş illik karyerası zamanı komandaya ölkə çempionluğu qazandırıb.

Fabinyo bazar ertəsi Trabzon hava limanına çatan kimi dedi: "Salahla yenidən oynamaq çox xüsusi hissdir. "Liverpul"da onunla beş il oynamaq imkanı əldə etmişəm. O, etdiklərinə və gələcəkdə edəcəklərinə görə çox hörmət etdiyim biridir."

34 yaşlı Salahla yenidən əlaqələri canlandırmaq istəyən Fabinyo əlavə etdi: "Bacardığım qədər həmişə ən yaxşısını etməyə çalışacağam.

Uzun illərin təcrübəsi və liderliyi ilə daim komanda yoldaşlarıma dəstək olmağa çalışacam."

Fabinyo "Liverpul" üçün 219 oyunda meydana çıxıb. O, İngiltərə Premyer Liqası, Çempionlar Liqası, FA Kuboku, Liqa Kuboku, Klub Dünya Kuboku və UEFA Superkuboku titullarına sahibdir.

Misirli hücumçu Mohaməd Salah bu ayın əvvəlində sərbəst agent kimi "Trabzonspor"a qoşulub.

"Trabzonspor" ötən mövsüm Türkiyə Superliqasında üçüncü yeri tutub. Komanda cümə axşamı Avropa Liqasının pley-off mərhələsində Macarıstanın "Ferensvaros" komandası ilə ev oyununda 0:1 hesabı ilə geridədir.