Türkiyənin Statistika İnstitutu (TÜİK) iyunun 16-da apreldə illik pərakəndə satışların 11,4 faiz artdığını açıqlayıb.

Aylıq baza üzrə ticarət satış həcmi illik müqayisədə 0,1 faiz artıb, topdan satışlar isə 3,3 faiz azalıb.

Apreldə qeyri-qida məhsullarının (avtomobil yanacağı istisna olmaqla) satışları 14,5 faiz, qida, içki və tütün satışları 7,6 faiz yüksəlib. Avtomobil yanacağı satışları 2,7 faiz artıb.

Bundan əlavə, komputer, kitab və telekommunikasiya avadanlıqları satışları illik 18,6 faiz artıb. Onlayn satışlar isə 17,9 faiz artım göstərib.

Aylıq müqayisədə isə pərakəndə satışlar apreldə 1,7 faiz, ticarət satışları 2,7 faiz, topdan satışlarda isə 3,7 faiz azalma olub.

İllik dövrdə sənaye dövriyyəsi 40,1 faiz, tikinti 32,2 faiz, ticarət 33,5 faiz, xidmətlər isə 34,3 faiz artıb.

Apreldə ümumi dövriyyə indeksi aylıq 1,6 faiz yüksəlib.

Aylıq baza üzrə sənaye 3,7 faiz, tikinti 6,9 faiz, xidmətlər isə 4,1 faiz artıb. Ticarətdə isə 0,6 faiz azalma qeydə alınıb.