Kolumbiya hakimiyyətləri bildirir ki, silahlı qrupun hərbi bazaya hücumu zamanı ən azı üç əsgər ölüb, bir neçə nəfər yaralanıb. Hücumda dronlardan istifadə edilib, onların vasitəsilə partlayıcı maddələr atılıb.

Kolumbiya ordusu şənbə günü açıqlayıb ki, hücum gecə Venesuela sərhədində yerləşən Ocana bələdiyyəsində xalq mübarizə ordusu (ELN) tərəfindən həyata keçirilib. Döyüşlərdə iki əsgər həlak olub, daha biri tibbi yardım aldıktan sonra dünyasını dəyişib. Dörd əsgər yaralanıb.

“ELN-ə açıq şəkildə deyirəm: öldürdüyünüz hər bir polis və ya əsgərin əvəzini dövlətin tam gücü və qanuni qüvvəsi ilə çıxaracağam,” Prezident Abelardo de la Espriella sosial mediada hücumu pisləyərək belə deyib.

Hakimiyyət orqanları bildirir ki, dronlar Norte de Santander departamentindəki baza üzərinə partlayıcı maddələr atıb, daha sonra qurum daxilində döyüşlər baş verib. Xəbər agentliyi AFP anonim təhlükəsizlik rəsmisinə istinadla xəbər verir ki, hücumda ən azı 20 partlayıcı yüklü dron istifadə olunub.

De la Espriella səlahiyyətə gələndə ölkədə nüfuz uğrunda mübarizə aparan silahlı qruplar və cinayət təşkilatları ilə hərbi qarşıdurmaya qayıtmağı vəd etmişdi. Lakin bunun şiddətin artmasına və mümkün insan haqları pozuntularına səbəb ola biləcəyi ilə bağlı narahatlıqlar var.

Silahlı qrupların ölümcül hücumları onun andiçməsindən sonra ölkədə sarsıntılar yaratmağa davam edir.

Cümə günü baş verən hücum ölkənin şimal-şərqində yerləşən və ELN-nin əsas mərkəzi sayılan Catatumbo bölgəsində qeydə alınıb. Hökumət orada silahlı qruplara qarşı hərbi əməliyyatlar keçirib.

De la Espriella həmçinin ABŞ-la daha sıx əlaqələrin qurulacağını vəd edib. ABŞ isə bölgədə hərbi iştirakını artırmağa çalışır və "Amerikaların Qalxanı" təşəbbüsü çərçivəsində hərbi əməkdaşlıq genişləndirir.

ABŞ Dövlət katibi Marco Rubio gələn həftə Karib dənizi sahilində yerləşən Barranquilla şəhərində paramilitarların liderlərini təmsil etmiş keçmiş vəkil olan de la Espriella ilə görüşəcək.