Ankarada 7-8 iyul tarixlərində keçiriləcək NATO liderlər sammiti öncəsi xarici işlər naziri Hakan Fidan və ABŞ-ın xüsusi elçisi Barrack arasında görüş baş tutub. Görüşdən sonra rəsmi açıqlama verilməyib.

Barrack sosial media hesabında yazıb ki, “NATO sammiti öncəsi xarici işlər naziri Hakan Fidanla məhsuldar görüş keçirdik. Güclü müttəfiq olaraq bir çox ortaq məqsədimiz var və ABŞ-Türkiyə tərəfdaşlığı nəticə verir.”

Sammitdə Türkiyə Prezidenti Rəcəb Tayyib Ərdoğan, ABŞ Prezidenti Donald Tramp, Fransa Prezidenti Emmanuel Makron və Almaniya Kansleri Fridrix Merts də daxil olmaqla 32 müttəfiq lider iştirak edəcək.

Türkiyə rəsmiləri Trampın NATO sammitinə qatılacağını təsdiqləyib. Sammitdə Vaşinqtonun üzləşdiyi ədalətsiz yük bölgüsü məsələsi də daxil olmaqla vacib mövzular müzakirə olunacaq.

Barrack həm də ABŞ-ın İraq və Suriya üzrə xüsusi elçisi kimi fəaliyyət göstərir.