"Barcelona"nın hücumameylli oyunçusu Lamine Yamal La Liqanıın Mövsümün Ən Yaxşı Oyunçusu mükafatını qazandı.

18 yaşlı futbolçu "Barcelona"nın ölkə kubokunu qorumasına yardım etdi, mövsüm ərzində üç dəfə La Liqanın Ayın Oyunçusu seçilən ilk oyunçu oldu. O, klubun La Liqadakı ən məhsuldar oyunçusu kimi 16 qol və 11 asistlə fərqləndi.

"Barcelona"nın baş məşqçisi Hansi Flik cümə axşamı “İlin Məşqçisi” adına layiq görüldü.

Barca Yamal haqqında açıqlama yayıb: “O, rəqib müdafiələri üçün əsl problem yaradır. Blauqrananın hücum təhlükələrini dayandırmaq üçün ciddi səy göstərməli olurlar.

“Maddi olmayan keyfiyyətlərdən əlavə, gənc katalon oyunçu 16 qol vurub, 11 məhsuldar ötürmə verib. La Liqada başqası bu qədər qola gətirən pas verməyib.”

Yamal bu mövsüm əzələ sıxıntısı səbəbindən bir neçə dəfə meydandan kənar qalsa da, gələn həftə Kanadada, Meksikada və ABŞ-da keçiriləcək Dünya Kubokunda İspaniya millisində çıxış edəcəyi gözlənilir.

O, mövsümün son altı oyununu ayaq əzələsi zədəsi üzündən buraxıb.

Yamal 16 yaşında futbol səhnəsinə çıxıb və 2024-cü ildə İspaniyanın dördüncü Avropa çempionluğu qazanmasında əhəmiyyətli rol oynayıb.