Avropa futbolunun rəhbəri Aleksander Ceferin deyib ki, "Gianni İnfantinonun yerinə marağım yoxdur", amma FIFA prezidentinin istefa verməsi və ya rəhbərlik uğrunda mübarizəyə girməsi labüddür.

Ceferin "The Rest is Politics" podkastında açıqlamasında İnfantinonun FIFA turnirlərini idarə etmək üçün özəl sərmayə cəlb etmək planlarının sərt tənqid edildiyini bildirib. Lakin o, 58 yaşında olduğunu və bu posta namizəd olmayacağını vurğulayıb. Ceferin marağının olmamasının səbəbini iki amillə əsaslandırıb.

"Birincisi, mən UEFA-nı və orada işləməyi sevirəm. Həyatın müəyyən mərhələsində onun dadını çıxarmağın vaxtıdır," - deyə o bildirib.

"İkincisi, mövqeyə marağım olmadıqda nüfuzum daha yüksək olur."

İnfantinonun özəl sərmayə planlarını ləğv etməsinə baxmayaraq, onun istefası üçün təzyiqlər artmaqdadır. UEFA və bəzi regional federasiyalar FIFA yarışlarını boykot etməklə hədələyir.

Ceferin hesab edir ki, əvvəllər möhkəm olan İnfantinonun mövqeyi artıq təhdid altındadır. O, gələn ilin martında Mərakeşdə keçiriləcək FIFA konqresində yenidən prezidentliyə namizəd olacağı halda, ya istefa verməli, ya da rəqiblə üz-üzə gəlməlidir.

İnfantino 2016-cı ildə FIFA prezidentinə seçilərək Avropa tərəfindən geniş dəstək alıb, lakin Ceferin son vəziyyətin fərqli olduğunu vurğulayıb.

"İki seçim var," - deyə Ceferin qeyd edib:

"Birincisi, İnfantino dəstəyin olmadığını başa düşür. Bu, sadece səs verənlərin siyasi dəstəyi deyil, futbol ictimaiyyəti, azarkeşlər, oyunçular və məşqçilərin dəstəyidir.

"İkincisi, martda keçiriləcək seçkilərə getsə, namizəd qarşısında dayanacaq. Hələ kim olacağını bilmirəm."

Qeyd edək ki, İnfantinonun Karib dənizi regionuna səfəri zamanı FIFA videolarında dialoq və müzakirənin vacib olduğunu söyləyib.

O, özünü az imkanlı futbol ölkələrinin müdafiəçisi kimi təqdim edir və 2031-ci ilə qədər prezident vəzifəsində qalmaq niyyətindədir.