Egey sahillərindən şərqi Anadolunun sərt relyefinə qədər Türkiyənin müxtəlif bölgələrində tədqiqatçılar əvvəl məlum olmayan 13 yeni bitki növünü müəyyən ediblər.

Kənd Təsərrüfatı və Meşəçilik Nazirliyinin Təbiətin Qorunması və Milli Parklar Baş İdarəsinin ilk e-bülletenində dərc olunan məlumatlar ölkənin müxtəlif iqlim zonalarında zəngin ekoloji müxtəlifliyi ortaya qoyur.

Botniki tədqiqatçılar şərqi Anadoluda yeni bir soğan növü, cənub-qərbi Anadoluda şərq sarmaşığı və qarğıdalıçiçəyi aşkar ediblər. Şərqi Elazığ vilayətində soğan, dağ xardalı, zanbaq və ulduz laləsi qeydə alınıb. Komandalar şərqi Bitlis vilayətində zəngçiçəyi, cənubi Hatay vilayətində dağ kəklikotu və cənub-qərbi Muğla vilayətində dünyaçiçəyi müəyyən ediblər.

Həmçinin qərbi İzmir vilayətində Akdağda lirəçiçəyi alt növləri, şimal-şərqi Artvin vilayətində yaşılqarağı, şimal Türkiyədə isə unudaqmsanmaz çiçəyi müəyyən edilib. Bu kəşflər ölkədə qeydə alınan 13 min bitki növünə, o cümlədən 4 min endemik növə daxil edilir.

Ölkədə botaniki tədqiqatçılar "Türkiyə Rəsmli Florası Layihəsi"ni hazırlayır. Layihə prezident himayəsi altında fəaliyyət göstərən Ali Nihat Gökyiğit Fondu tərəfindən dəstəklənir. 62 cilddən ibarət olan bu əsər Türkiyənin bitki dünyasının tam təsviri olmaqla yanaşı, elmi təsnifatı türk adları ilə təqdim edən ilk əsərdir.