Son zamanlar məşhurlar arasında populyarlaşan bu xəstəlik geniş yayılmış qorxulara səbəb olub. Aktrisa Eymi Poeler podkastında bildirib ki, bir neçə il əvvəl üşümüş çiyinlə mübarizə aparıb. O deyib ki, səbəbi məlum olmayan bu ağrılar qadınların həyatında baş verən digər, xüsusən 50 yaşdan sonra yaranan narahatlıqlara bənzəyir. Ən acısı budur ki, heç kəs tam olaraq bu vəziyyətin səbəbini bilmir və effektiv müalicə yolu yoxdur.

BBC-nin "Today" proqramının aparıcısı Cenna Buş Heycer də çiyin ağrısı ilə bağlı təcrübəsini paylaşıb. O, idman zamanı zədə aldığını düşündüyü halda, fiziki müalicə zamanı ona "üşümüş çiyin" diaqnozu qoyulduğunu açıqlayıb. Hollivud ulduzlarından Naomi Votts və Teri Hatcher də bu xəstəliyi yaşamış məşhurlardandır. Amanda Pit isə bu barədə müsahibəsində, yaşın gətirdiyi ağrılar və narahatlıqlarla mübarizə apardığını bildirib.

Üşümüş çiyin, tibbdə “adesiv kapsulit” kimi tanınır və bu, çiyin oynağının ətrafında yaranan iltihab nəticəsində ortaya çıxan ağrı və hərəkət məhdudiyyətidir. Əsasən bir tərəfli baş verir və üç mərhələdən ibarətdir. İlk mərhələdə güclü ağrı müşahidə olunur; ikinci mərhələdə isə çiyin donub hərəkətə mane olur. Sonuncu mərhələdə isə hərəkətlilik bərpa olunur. Həkim Tiana Vulritc deyib ki, xəstələr ən çox"mən geyimimi geyinə və ya soyuna bilmirəm, qolu çevirə bilmirəm, yuxarı rəfə çatmaq mümkün deyil" kimi əlamətlərdən şikayətlənirlər.

Çikaqoda yaşayan 54 yaşlı ictimaiyyətlə əlaqələr mütəxəssisi Dafn Ortiz öz təcrübəsini belə təsvir edib: “Bir səhər qolu qaldırmaq istəyəndə bacarmadım, sanki qolu havada dondurmuşdular”. O, üç həftə ərzində, xüsusən gecə vaxtları, kəskin çiyin ağrısı çəkib və səbəbini anlamaqda çətinlik çəkib. Ortiz hətta zədə almamağına əmin olduğunu və fiziki terapiyada çəkilər qaldırmasına baxmayaraq belə ağrıların yaranmasından təəccübləndiyini bildirib.