Avtomobil sənayesi Orta Şərqdəki geopolitik gərginliklərin yaratdığı təchizat zənciri problemlərinə, dünya ticarətində baş verən çətinliklərə və tələb şəraitində dəyişikliklərə baxmayaraq, yanavarda güclü ixrac göstəricilərini qoruyub saxlayıb.

Yanavar-avqust dövründə avtomobil ixracı 2,5 faiz artaraq 27,2 milyard dollar olub. Bu, sektor üçün həmin dövrün ən yüksək göstəricisidir. Türkiyənin ümumi ixracında avtomobil sənayesinin payı 14,7 faiz təşkil edib.

Yanavar-avqustda Türkiyənin avtomobil sənayesi üçün ən böyük ixrac istiqaməti Almaniya olub. Bu ölkəyə ixrac 4,4 milyard dollar dəyərində olub. Almaniyanı 3,3 milyard dollarla Fransa, 2,5 milyard dollarla Böyük Britaniya, 2,4 milyard dollarla İtaliya və 2,2 milyard dollarla İspaniya izləyib.

Dəyər baxımından ixrac artımında Fransa birinci yerdədir. Ötən ilin eyni dövrü ilə müqayisədə Fransa istiqamətində avtomobil ixracı 338,2 milyon dollar artıb. İtaliya 318,2 milyon dollarlıq artımla onun ardınca gəlir. Niderland 148,3 milyon, Almaniya 105,6 milyon, Polşa isə 60,7 milyon dollarla artım baxımından digər ölkələrdəndir.

Bu müddətdə sektor Polşaya 1,2 milyard dollar və Niderlanda 519,8 milyon dollar dəyərində məhsul ixrac edib.