Türkiyə və Kanada iqtisadi münasibətləri gücləndirmək məqsədilə azad ticarət sazişi üzrə rəsmi danışıqlara başlayıb.

Bu barədə ortaq bəyanat verilib. Bəyanat NATO sammiti zamanı 7 iyulda Türkiyə prezidenti Rəcəb Tayyib Ərdoğan və Kanada baş naziri Mark Karni arasında keçirilən görüşdən sonra yayımlanıb.

Hər iki lider rəsmi danışıqların başlanması üçün müvafiq orqanlara göstəriş verib. Danışıqların məqsədi geniş, müasir və qarşılıqlı faydalı azad ticarət sazişi əldə etməkdir.

Ötən iyunun əvvəllərində Türkiyə Ticarət naziri Ömər Bolat və Kanada Beynəlxalq Ticarət naziri Manindir Sidhu ortaq bəyanat yayıb və bununla da danışıqların ilkin mərhələsini başlayıb.

Hazırda Türkiyə və Kanada ilkin təhlillərdən sonra formal danışıqlara keçib.

Planlaşdırılan saziş iqtisadi artımı dəstəkləmək, iş yerlərinin yaradılmasına töhfə vermək, rəqabətqabiliyyətini artırmaq, qlobal təchizat zəncirlərini gücləndirmək və iki ölkə arasında iqtisadi əməkdaşlığı genişləndirmək məqsədini daşıyır.

Ortaq bəyanatda bildirilib: “Hər iki hökumət Kanada-Türkiyə tərəfdaşlığını gücləndirəcək yüksək keyfiyyətli saziş üzərində birgə işləməyi səbirsizliklə gözləyir. Bu saziş biznes, əməkdaş və hər iki ölkənin vətəndaşları üçün yeni imkanlar yaradacaq.”