PARS İZCİ KBRN Kəşfində Müxtəlif Vəzifələri Yerinə Yetirir

Anadolu Ajansı yazır ki, Sənaye və Texnologiya Nazirliyi ilə T3 Fondu tərəfindən təşkil edilən TEKNOFEST Güneydoğu tədbirində Şanlıurfa GAP Hava Limanında PARS İZCİ avtomobili təqdim olunub.

FNSS tərəfindən layihələndirilən və istehsal olunan PARS İZCİ zirehli maşın 8x8 konfiqurasiyasında istehsal edilib və Türk Silahlı Qüvvələrinin istifadəsinə verilib. Avtomobil KBRN vasitələrinə qarşı kəşf rolunu yerinə yetirir və kəşf heyətini daşıya bilir.

Avtomobil kimyəvi, bioloji, radioloji və nüvə təhlükələrinin mövcud olduğu sahələrdə təhlükəsiz kəşf və nümunə götürmək üçün lazım olan bütün avadanlıqlarla təchiz olunub. Müdafiə məqsədilə isə uzaqdan idarə olunan 12,7 mm-lik silah sistemi mövcuddur.

PARS İZCİ həm düz, həm də asfalt yollarda 100 km/saat sürətə çata bilir, 60 faiz dik, 30 faiz yan eğimlə hərəkət edə bilir, 70 sm hündürlükdə maneələri və 200 sm uzunluğunda xəndəkləri keçirə bilir. Təkərlərin hamısından dönüş qabiliyyətinə malikdir.

FNSS Korporativ Kommunikasiya Müdiri Cem Altınışık avtomobilin bütün texnologiyalara sahib olduğunu bildirib. O, avtomobilin şarapnel və kinetik enerjili sursatların olduğu mühitdə heyətin təhlükəsiz fəaliyyət göstərməsini təmin etdiyini vurğulayıb.

Altınışık qeyd edib ki, PARS İZCİ müxtəlif ərazilərdə, o cümlədən çamurlu və çətin relyefli yerlərdə effektiv hərəkət edə bilir və məskunlaşmış ərazilərdə də asanlıqla idarə olunur. İxracla bağlı bir çox ölkənin marağı davam edir və bu istiqamətdə işlər aparılır.