Meksikalı ana, oğlunun yeddi il əvvəl narkotik karteli tərəfindən oğurlanmasından sonra onun qalıqlarını çöldə tapıb.

Bu ana Meksikada tanınmış şəxsdir və ölkədə itkin düşmüş yaxınlarını axtaran analar birliyinə rəhbərlik edir.

Sesi Flores bu mart ayında ölkənin Sonora ştatında axtarış zamanı oğlu Marko Antonio qalıqlarını tapıb. Marko 2019-cu ildə Meksikanın kartellərindən biri tərəfindən oğurlanmışdı.

Meksikada itkin düşmələr çox yayılmış məsələdir. Ölkədə 133 min nəfərdən çox insan itkin kimi siyahıya alınmışdır. Lakin əsl rəqəm bundan çox ola bilər, çünki bir çox itkin düşmələr hüquq-mühafizə orqanlarına bildirilmir.

Meksikanın güclü narkotik kartelləri itkin düşmələrin əksəriyyətinə səbəb olsa da, bəzən bunu Meksikanın hakimiyyəti də törədir.

"Oğlumun itkin düşməsində kartel məsuliyyət daşıyırdı. O, içki, yemək və s. satan dükanı vardı, amma kartel üçün işləmirdi" -deyə Sesi Flores bildirdi.

Ailələr çox vaxt yaxınlarını özləri axtarmağa məcbur qalırlar. Səlahiyyətlilərin tədbirsizliyini doldurmaq üçün Flores oğlunu və qızını axtaran analar birliyi yaratmışdır.