ABŞ Ədliyyə Nazirliyi Nyu-Yorkdakı kiçik "Poetica Coffee" adlı kafe zəncirinin demokrat konqresmen Dan Qoldmana xidmət göstərməməsi ilə bağlı vətəndaş hüquqları pozuntularına dair yoxlama başladıb.

Bölmənin baş vətəndaş hüquqları müstəntiqlərindən Harmit K. Dhillon bazar ertəsi bildirib ki, o, ABŞ Nümayəndələr Palatasının üzvü Qoldmanın "Poetica Coffee" kafenin sosial media üzərindən yaydığı "biz sizə burada xidmət göstərmirik" bəyanatından sonra araşdırmanın başlanmasına göstəriş verib.

Dhillon qeyd edib: “Bu addımlar yalnız qəbuledilməz deyil, həm də qanunsuz ola bilər”.

O əlavə edib ki, "Vətəndaş Hüquqları Bölməsi araşdırma aparır və lazım gəldikdə hüquqi tədbirlər görəcək".

"Poetica Coffee"nin Bruklin və Şərq Kəndindəki yeddi filialı var. Onlar bazar günü Qoldmanın bir şəbəkə kafenin filialında qızı ilə olduğu vaxt belə paylaşım yayıblar.

Kafe sosial şəbəkədə yayımlanan fotoşəkil ilə yanaşı belə qeyd edib: “Görürük ki, bu gün kafenizə qəhvə içməyə gəlmisiniz. Soyqırım şirəsi kimi deyil, elə deyilmi? Fərqini anlamaqda çətinlik çəkirsiniz?”

“Biz "Poetica"da irqçi, faşist, homofob, soyqırımı dəstəkləyən və ya arada olanlara xidmət göstərmirik” deyə, kafe bildirir.

“Təəssüf ki, sizi dərhal tanımadıq, yoxsa sizi qəbul etməzdik” - "Poetica Coffee" əlavə edib.

Kafe Dan Qoldmana filialda xərclədiyi 9,82 dolları qaytarıb və bir daha oraya gəlməsinin qəti qadağan olduğunu bildirib.

"Poetica Coffee" və onun təsisçisi Parviz Muxəmmədqulov dərhal şərh verməyib.

Dan Qoldman CNN-lə müsahibəsində hadisəni təəssüflə qarşılayıb və bildirib: “Düşünürəm ki, insaflılıq, əxlaq və düzgün danışıq normalarını itirmişik”.

O, kafenin araşdırılmasına ehtiyac olmadığını, resursların daha çox antisemitsizm araşdırmasına yönəldilməsinin vacib olduğunu deyib.

Ədliyyə Nazirliyinin kafenin fəaliyyətinə hansı hüquqi əsasla müdaxilə edə biləcəyi qeyri-müəyyəndir. ABŞ federal və Nyu-York ştat qanunları irq, din, cins və milliyyət kimi qorunan xüsusiyyətlərə görə xidmətin rədd olunmasını qadağan edir, lakin siyasi baxışlara görə bu qorunmur.

Qoldman Demokrat Partiyası daxilində İsrailin açıq tərəfdarı kimi tanınır və özünü “qürurlu sionist və qətiyyətli dəstəkçi” kimi təqdim edir.

Həmçinin, Qoldman hazırkı seçki dövründə İsrail tərəfdarı namizədləri dəstəkləyən Amerika İsrail Ümumi İşlər Komitəsindən (AIPAC) və əlaqəli qruplardan 195 min dollara yaxın kampaniya ianəsi alıb.

O, İsrailin Qəzzada soyqırım törətdiyini rədd etsə də, oradakı vəziyyəti “dəhşətli” adlandırıb və döyüşlərin dayandırılmasını tələb edib.

Qoldman İsrail Baş naziri Benyamin Netanyahu hökumətini “ekstremist” sayıb və işğal altındakı Qərb Sahilində məskunlaşmaların artırılmasına etirazını bildirib.