Türkiyə Xarici İşlər Naziri Hakan Fidan ölkənin diplomatik missiyalarında, o cümlədən Tehran və Kiyevdə yeni səfirlərin və daimi nümayəndələrin təyinatlarını rəsmən bildirdi.

Diplomatik mənbələrin iyunun 9-da yaydığı açıqlamaya görə, ölkənin xaricdəki səfirliklərinə və beynəlxalq təşkilatlarda daimi missiyalarına ümumilikdə 25 yeni təyinat həyata keçirilib.

Dəyişikliklər çərçivəsində hazırda Türkiyə parlamentində Xarici Əlaqələr və Protokol rəhbəri vəzifəsində çalışan səfir Əhməd Aydın Doğan Tehrana səfir təyin edildi.

Hazırda Türkiyənin Haaqadakı səfiri olan Fatma Ceren Yazgan Kiyevə səfir kimi göndərildi.

Təyinatlar arasında ən diqqət çəkənlərdən biri də Türkiyənin Reykyavikdə ilk səfirini təyinatıdır. Belə ki, səfir Mustafa Levent Bilgen hazırda Kiyevdə səfir vəzifəsini yerinə yetirir.

Bu təyinat xüsusilə Türkiyənin İslandiyada ilk daimi səfirliyini açması ilə əhəmiyyət kəsb edir.

Qeyd edilir ki, Şimali Atlantik və Arktik bölgələrə artan diplomatik diqqətin nəticəsi olaraq Ankara əvvəlki kimi digər diplomatik mərkəzlər vasitəsilə deyil, birbaşa Reykyavikdə səfirlik açmağı qərara alıb.

Yeni təyinatlar çərçivəsində Hüseyn Ergani Maskata, Hakan Karaçay Ammana, Ferhat Alkan Moqadişuya, Şener Cebeci Aşqabata və Can Oğuz Kuveyt şəhərinə səfir vəzifəsinə göndərilib.