Türkiyə Nazirlər Kabinetinin iclası Prezident Kompleksində Rəcəb Tayyib Ərdoğanın sədrliyi ilə keçiriləcək.

Sammitin problemsiz keçməsini təmin etmək məqsədilə təhlükəsizlik tədbirləri və təşkilati işlər müzakirə olunacaq. Kabinet həmçinin Yaxın Şərqdə baş verən son hadisələri dəyərləndirəcək.

Məlumata görə, İran ilə ABŞ arasında aparılan danışıqlardakı irəliləyiş və Türkiyənin diplomatik səylərə verdiyi töhfə müzakirə ediləcək.

Hörmüz Boğazındakı qeyri-müəyyənlik, eləcə də bunun qlobal iqtisadiyyat və ticarətə potensial təsiri də gündəmdə olacaq.

Rəsmi şəxslər region risklərinin Türkiyə iqtisadiyyatına təsirini məhdudlaşdırmaq və inflyasiyanın azaldılması prosesini qorumaq üçün atılacaq addımları müzakirə edəcəklər.

Gündəmdə hökumətin “Terrorizmdən azad Türkiyə” hədəfi də yer alır. Milli Kəşfiyyat Təşkilatının sahədəki vəziyyətlə bağlı qiymətləndirmələri və parlament komissiyasının hesabatı əsasında qanuni tənzimləmələr planlaşdırılır.