Kylie Jennerin Khy markası baş icraçı direktoru vəzifəsinə Laura du Rusquec’i təyin edib.

Bu birbaşa istehlakçıya yönəlmiş moda brendi 2023-cü ildə Jenner tərəfindən yaradılıb. O, yaradıcı direktor kimi fəaliyyət göstərir və məhdud sayda məhsul buraxılışları ilə özünəməxsus yer tutur. Du Rusquec-in təyinatı Khy biznesini gücləndirmək və moda şirkəti kimi inkişaf etdirmək məqsədi daşıyır.

Jenner bildirib ki, bu təyinat markanın yetkinlik mərhələsinə keçidini ifadə edir.

Jenner WWD-yə deyib: “Laura'nın təyinatı Khy-nin getdiyi yolu göstərir — sənətkarlıq, uzunömürlülük və aydın baxış ilə müəyyən olunan marka. Onun lüks və moda sahəsində təcrübəsi bu mərhələdə vacibdir. Onunla birlikdə bu yeni dövrü qurmaqdan qürur duyuram.”

Los-Ancelesdə fəaliyyət göstərən du Rusquec moda və lüks bizneslərinin idarə edilməsində 20 ilə yaxın təcrübəyə malikdir. Son olaraq L Catterton-un dəstəklədiyi Kopenhagendə əsası qoyulmuş müasir brend "Ganni"nin baş icraçı direktoru olub. Əvvəllər Balenciaga-da yeddi il çalışıb və orada baş icraçı direktor müavini vəzifəsinə yüksəlib. Karyerasının əvvəlində Kering qrupunda rəhbərlik vəzifələrində işləyib, o cümlədən Pomellato-da qlobal marketinq və satış direktorluğunu icra edib, peşəkar fəaliyyətinə isə Morgan Stanley-də investisiya bankçılığı ilə başlayıb.

Du Rusquec bildirib: “Khy-yə qoşulmağıma və Kylie ilə bu əhəmiyyətli dönəmdə əməkdaşlıq etməyə çox şadam. Khy-nin məqsədli dizaynı, yüksək keyfiyyəti və icma əsaslı unikal yanaşması müasir istehlakçıların tələblərinə uyğundur. Kylie’nin viziyasını həyata keçirməyə davam edərkən komanda ilə işləməyi səbirsizliklə gözləyirəm.”

Bu icraçı təyinatı brendin 2026-cı ilin yay kolleksiyası "Dear Summer, Love Khy"ni təqdim etdiyi vaxtda baş verir.