Türkiyə Mərkəzi Bankının Pul Siyasəti Komitəsi bu həftə əsas faiz dərəcəsi ilə bağlı qərar vermək üçün toplanacaq.

Əksər analitiklər qəbul ediləcək qərarın bir həftəlik repо faiz dərəcəsinin 37 faizdə saxlanması olacağını bildirirlər. Həmin iclas 11 iyun tarixinə planlaşdırılıb.

Bu iclasdan əvvəl açıqlanan rəsmi statistikaya görə, Türkiyədə illik inflyasiya dərəcəsi apreldən may ayına 32,4 faizdən 32,6 faizə yüksəlib. İstehlak qiymətləri isə ay ərzində 1,7 faiz artıb.

2023-cü ilin mayından 2025-ci ilin martına qədər Mərkəzi Bank əsas faiz dərəcəsini 8,5 faizdən 50 faizə qaldırıb, sonra onu 2024-cü ilin dekabrınadək sabit saxlayıb. Dekabrda isə faiz dərəcəsini 250 baza bəndi azaldaraq 47,5 faizə endirib.

Daha sonra avqustda 250 baza bəndi azalmayla 40,5 faiz, oktyabrda isə 100 baza bəndi endirimlə 39,5 faizə və dekabrda 150 baza bəndi azalmayla 38 faizə eniş baş verib.

2026-cı ilin yanvarında, ilin ilk Pul Siyasəti Komitəsi iclasında, faiz dərəcəsi 37 faizə endirilib. Mart və aprel toplantılarında faiz dəyişmədən 37 faiz səviyyəsində saxlanıb.

Türkiyə iqtisadiyyatı sərt qlobal iqtisadi şoklara qarşı güclü maliyyə dayanıqlığı və cari əməliyyatlar balansında müsbət dinamika ilə müqavimət göstərmək üçün "hazırlanıb", Mərkəzi Bankın sədri Fatih Karahan 5 iyun tarixində İstanbulda keçirilən tədbirdə bildirib.