Türkiyənin avtomobil sənayesi bu il 43 milyard dollar ixrac hədəfi qoyub. İlk yarımildə xarici satışlar ötən ilin müvafiq dövrü ilə müqayisədə 4,3 faiz artaraq 20,8 milyard dollara çatıb, bunu Uludağ Avtomobil Sənayesi İxracatçıları Birliyinin (OİB) sədri Kemal Yazıcı açıqlayıb.

OİB-in təşkil etdiyi “İxracın Şampiyonları Mükafatlandırma mərasimi”ndə çıxış edən Yazıcı, tədbirdə iştirak edən İqtisadiyyat naziri Ömər Bolatın yanında sektoru 2026-cı ildə 43 milyard dollar ixrac hədəfinə çatacağını və hətta bu rəqəmi aşa biləcəyini deyib.

Yazıcı vurğulayıb ki, Türkiyənin avtomobil sənayesi Avropanın əsas istehsal mərkəzlərindən birinə çevrilib. “Sektorumuz 250 min birbaşa olmaqla, ümumilikdə 550 mindən çox şəxsə iş imkanı yaradır. 14 əsas sənaye şirkəti, minlərlə təchizatçı və 3 mindən çox aktiv ixracatçı ilə milli iqtisadiyyata mühüm töhfə veririk,” - deyə o əlavə edib.

Yazıcı avtomobil sənayesinin 2025-ci ildə Türkiyənin ən çox ixrac edən sektoru olduğunu, 41,5 milyard dollar dəyərində ixrac həyata keçirdiyini və bu göstəricinin ölkənin ümumi ixracının 15,2 faizini təşkil etdiyini bildiririb.

O həmçinin qeyd edib ki, avtomobil ixracının 72,5 faizi Avropa İttifaqı ölkələrinə, 12,2 faizi isə blok xaricindəki digər Avropa ölkələrinə göndərilir. Beləliklə, Avropa bazarı sektorun ümumi ixracının təxminən 85 faizini təşkil edir.

Yazıcı Avropa İttifaqının Çindən gələn rəqabətə qarşı sənayeni qorumaq məqsədli "Made in EU" qanun layihəsinin potensial risklərinə diqqət çəkib. O bildirib ki, Türkiyə bu layihənin əhatəsindən əsasən kənarda qalıb və ixracatçılar, sənaye birlikləri və dövlət qurumları bununla bağlı koordinasiyalı tədbirləri davam etdirir.

İqtisadiyyat naziri Ömər Bolat isə avtomobil sənayesinin ixrac və qlobal istehsal reytinqlərindəki liderliyini vurğulayıb. Onun sözlərinə görə, Türkiyənin avtomobil sənayesi son 19 ildə ölkənin ən çox ixrac edən sektoru olaraq qalır və sektor Avropada beşinci ən böyük avtomobil sənayesidir.

Bolat qeyd edib ki, Türkiyə dünyada 13-cü ən böyük avtomobil istehsal mərkəzi, Avropada isə besinci yerdədir. "Avtomobil sektoru ötən il Türkiyənin 273 milyard dollar ixracından 15 faizdən çoxunu təşkil edib," - deyə o bildirib.

O, Türkiyənin avtobus və yüngül kommersiya vasitələri istehsalında dünya liderlərindən biri olduğunu bildirib. 2025-ci ilin istehsal göstəricilərinə görə, Türkiyə yüngül kommersiya vasitələrinin istehsalında Avropada birinci, dünyada doqquzuncu yerdədir.

Avtobus istehsalında Türkiyə dünya üzrə dördüncü ən böyük istehsalçıdır, Bolat əlavə edib. "Bunlar həqiqətən də əhəmiyyətli nailiyyətlərdir," deyə o vurğulayıb.

Nazir bildirib ki, Türkiyə Avropada beşinci, dünyada 13-cü ən böyük sərnişin avtomobili istehsal mərkəzidir.

Mərasimdə 2025-ci ilin ən çox ixrac edən şirkəti “Ford Otomotiv” təltif edilib. Həmçinin platina, qızıl, gümüş və bürünc mükafat alan 133 şirkətə mükafatlar təqdim olunub.