“This is fine” adlı məşhur memin yaradıcısı KC Green incəsənət əsərinin icazəsiz istifadə olunduğu üçün Artisan adlı AI startapı tənqid etdikdən sonra onlarla razılığa gəldiyini açıqlayıb.

Mübahisə startapın Greenin əsərinin bir versiyasını AI köməkçisi Ava-nın təbliği üçün istifadə etməsi ilə yaranıb. Artisanın Nyu-York və San Fransisko şəhərlərində avtobus və metro reklamlarında onun tanınan iti məşhur alovların içində əyləşərək “This is fine” demək əvəzinə “My pipeline is on fire” ifadəsini işlədib. Reklamda isə insanlara “Hire Ava the AI BDR” çağırışı edilib.

Ötən ay KC Green öz sosial şəbəkəsində sənət əsərinin AI tərəfindən oğurlandığını yazaraq izləyicilərinə belə reklamları görsələr “vandallıq etməyi” məsləhət görüb. TechCrunch-la müsahibədə o, bu vaxtı komikslərə sərf etmək əvəzinə “Amerikan məhkəmə sistemində əl sınamağa” məcbur olduğundan narahat olduğunu ifadə edib.

Artisan isə Green və onun işinə hörmət etdiyini bildirib. Bu həftə qurucu və CEO Jaspar Karmaykl-Cek iki tərəfin razılığa gəldiyini təsdiqləyib.

TechCrunch Greenlə əlaqə saxladıqda o, qısa zamanda razılığa gəldiklərini, Artisanın onun obrazını istifadə edən reklamları götürdüyünü və Greenin ilkin postunu siləcəyini qeyd edib.