Şənbə gecəsi Newarkdan Palma de Mallorkaya gedən 236 saylı "United Airlines" reysi bir saatlıq uçuşdan sonra təhlükəsizlik səbəbindən geri dönməyə məcbur olub. Uçuşda Bluetooth siqnalı ilə bağlı narahatlıqlar yaranıb.

Bir neçə Reddit istifadəçisi uçuşda olduqlarını və heyətin sərnişinlərdən Bluetooth-u söndürməyi təkrarən tələb etdiyini bildirib. Onlardan biri xəbər verib ki, heyət əlavə bir dəqiqə xəbərdarlıq edərək hələ də iki cihazın aktiv olduğunu müəyyən edib.

Bəzi sərnişinlər uçuş heyətinin “Bu kiçik zarafat hamı üçün vəziyyəti pozur” şəklində ifadələr işlətdiyini qeyd ediblər.

Aşağıda təqdim olunan Hava Nəqliyyatının Arxivində saxlanmış səs yazısı Bluetooth dinamikinin görsənən adının problemi yaratdığını təsdiqləyir.

“Burada təhlükəsizlik tədbiri var. Kimsə Bluetooth dinamikini müəyyən dörd hərfli sözlə adlandırıb. Ona görə bütün təyyarəni, o cümlədən yük hissəsini yoxlamalıdırlar və sərnişinlər təxliyə edilməlidir.”

Səs yazısı konkret olaraq problemli Bluetooth adının “bomb” (bomba) olduğunu təsdiqləməsə də, heyət və yerli təhlükəsizlik əməkdaşlarının reaksiyası bunu ehtimal edir.

Bu hal həm də bizi xatırladır ki, ağıllı WiFi və ya Bluetooth adları düşündüyünüz qədər ağıllı olmayaraq narahatçılıq yarada bilər.

“Orada təhlükəsizlik əməkdaşları var. Kimsə Bluetooth dinamikini müəyyən dörd hərfli adla adlandırmışdı. Buna görə də bütün təyyarə, yük sahəsi də daxil olmaqla yoxlanılmalıdır və sərnişinlər təxliyə olunmalıdır.”