Türkiyə Texnologiya Komandası Vakfının (T3 Vakfı) Azərbaycandakı nümayəndəliyinin məlumatına görə, Quba şəhərində ASAN Xidmət çərçivəsində yaradılan Bilim Guba mərkəzi fəaliyyətə başladığı ilk gündən bu günə qədər 6-14 yaş aralığında 15 minə yaxın uşaq müxtəlif texnologiya və innovasiya yönümlü kurslarda iştirak edib.

Mərkəzdə dizayn, təbiət elmləri, riyaziyyat, astronomiya və eksperiment atelyeləri fəaliyyət göstərir. Uşaqlar burada müxtəlif sahələr üzrə elmi düşünmə, istehsal və texnologiya inkişaf etdirmə bacarıqlarını artırırlar. Xüsusilə eksperiment atelyelərində tələbələr tətbiqi layihələr üzərində işləyərək texnoloji istehsal proseslərini yaxından yaşayırlar.

T3 Vakfının Azərbaycandakı direktoru və Bilim Azərbaycan məsul şəxsi Ahmet Köse bildirib ki, Bilim Guba qısa zamanda regionun aparıcı elmi və texnologiya mərkəzlərindən birinə çevrilib. O vurğulayıb ki, mərkəzdə uşaqlar yalnız texniki bilik əldə etmirlər, onların mühəndis, tədqiqatçı və texnologiya liderləri kimi yetişməsi təmin olunur.

Köse əlavə edib ki, layihənin ən əhəmiyyətli tərəflərindən biri bütün xidmətlərin uşaqlara tamamilə pulsuz təklif edilməsidir. Onun sözlərinə görə, bu təşəbbüs Azərbaycanda elm və texnologiya sahəsində güclü bir nəsilin formalaşmasına töhfə verir. Məqsəd isə ölkənin bütün regionlarında elm və texnologiyaya marağın artırılması və milli texnologiya ekosisteminin inkişafına dəstək olmaqdır.