Fransız Donald Tramp tərəfdarı Nikola Konker avqustun 20-də Seutadakı miqrasiya böhranına diqqət çəkərkən, "Seutada pişikləri yeyirlər" fikrini səsləndirib. 2024-cü ildə ABŞ prezidenti Donald Tramp da haitili miqrantların it və pişikləri yediyini iddia etmişdi. Konkerin ittihamları, iyul sonunda 70 min miqrantın sərhədi keçərək Seutada qalan 2 minlə 5 min arasında miqranta aiddir. Bu iddialar sosial mediada geniş rezonans doğurub.

İspan medianın bir hissəsi, o cümlədən sağçı sayılan "La Gaceta" saytı, miqrantların pişikləri və quşları öldürdüyü barədə məlumatlar yayıb. Sayt avqustun 19-da "migrantların invaziyasından sonra pişiklərin qırıldığı, göyərçin və qumluquşların yeyildiyi" iddiasını yerləşdirib.

Lakin fakt araşdırması göstərib ki, yayılan şəkillərin heç biri Seutada çəkilməyib. Ağ pişik şəkli Kanar adalarında, başqa pişik şəkli isə 2025-ci ildə Barselona yaxınlığında çəkilib. Seutada pişiklərlə məşğul olan "Agrevice Ceuta" dərnəyi isə bu iddiaları təkzib edib, onlarla əlaqədar heç bir itki olmadığını bildirib.

Yerli mülki müdafiə təşkilatı da yayılan məlumatları yalan adlandırıb və hələ də Seutada pişiklərin öldürülməsinin təsdiqlənmiş şəkillərinin yayımlanmadığını deyib.

Yeni yayımlanan, bir miqrantın pişiyi incidiyini göstərən şəkilin isə süni intellektlə modifikasiya olunmuş görüntü olduğu aşkarlanıb.