Ekvador bu həftə Şərqi Sakit Okeanda narkotik qaçaqmalçılığı əməliyyatlarında iştirak edən üç gəmini batıran ABŞ əməliyyatını müdafiə edib.

Ekvador hökuməti cümə günü açıqlayıb ki, həmin gəmilərin ələ keçirilməsi və batırılması Vaşinqtonla birlikdə narkotik qaçaqmalığı ilə bağlı cinayətkar dəstələrə qarşı aparılan istintaqın tərkib hissəsidir.

Ekvador Daxili İşlər Naziri Con Reimberg telekanal Teleamazonas-a açıqlamasında bildirib ki, həmin gəmilər sürət qayıqları üçün yanacaq doldurma məntəqələri kimi fəaliyyət göstərib. Bu qayıqlar narkotiki Mexikoya və ABŞ-a daşıyırdı.

"Bu, beynəlxalq əməkdaşlıq çərçivəsində aparılan işdir", - Reimberg deyib.

ABŞ Cənubi Komandanlığı (SOUTHCOM) Reimberqin açıqlamasını təsdiq edərək bildirib ki, “qanunsuz dəniz yolu ilə narkotik qaçaqmalçılığı əməliyyatlarına dəstək məqsədilə üzən yanacaq doldurma stansiyası kimi fəaliyyət göstərən gəmiyə uğurla müdaxilə edilib”. Bu əməliyyat Los Choneros dəstəsi ilə bağlıdır.

“Gəmidən götürülən şəxslər təhlükəsiz şəkildə Ekvador hakimiyyətinə təhvil veriləcək. Təhvil verildikdən sonra ABŞ qüvvələri gəmini batırıb”, - SOUTHCOM cümə axşamı X sosial şəbəkəsində yazıb.

SOUTHCOM-un paylaşdığı videoda ABŞ qüvvələrinin gəmiya yaxınlaşıb minməsi və daha sonra gəminin dənizdə partladılması əks olunub. Videonun çəkildiyi vaxt və məkan müstəqil şəkildə təsdiqlənməyib.

Bəzi ekipaj üzvlərinin yaxınları ABŞ ordusunu sübut olmadan hərəkət etməkdə ittiham edib. Onlar gəmidə olan kişilərin balıqçı olduğunu söyləyib. Bir ekipaj üzvünün həyat yoldaşı Reuters agentliyinə bildirib ki, ABŞ qüvvələri gəmiya mindiyi zaman kişilər balıq tuturdu və narkotik aşkar edilməyib. Onun açıqlaması müstəqil təsdiq olunmayıb.

Ekvador donanması çərşənbə günü batırılan həmin gəmi ilə başqa bir gəmidən 28 ekipaj üzvünü qəbul etdiyini və onları ölkənin əsas balıqçılıq limanı Manta şəhərinə sahil mühafizəsinin gəmisi ilə gətirdiyini açıqlayıb.

Cümə günü yaxınları məlumat gözləyən bir qrup insan hədəf alınan qayıqlarda yaxınlarının olduğunu bildirib, AFP xəbər agentliyi bildirir.

Bu hadisələr Tramp administrasiyasının Latın Amerikasında dənizdə narkotik qaçaqmalçılığı ilə mübarizə kampaniyasında ən son olaylardır. Bu kampaniya beynəlxalq sularda hava hücumları və ölümcül qüvvə tətbiqi ilə bağlı narahatlıqlara səbəb olub.

SOUTHCOM avqustun 23-də “aşağı profilli” gəmi hücumunu təsdiqləyib; həmin əməliyyatda iki nəfər ölüb. İki gün sonra başqa bir ABŞ hücumu dörd nəfərin ölümünə səbəb olub. Hər iki hücumda qurbanların kimliyi müəyyənləşdirilməyib.

Tramp ABŞ-ın narkotik qaçaqmalçılığı təşkilatları ilə “qeyri-beynəlxalq hərbi münaqişə” vəziyyətində olduğunu ABŞ mediasına sızdırılmış memorandumda iddia edib.