Boliviyanın Viaxa şəhərindəki hərbi kazarmada partlayış baş verib. Hadisə La Pazdan təxminən 30 km aralıqda yer alıb.

Partlayış nəticəsində ən azı iki nəfər həlak olub. Lakin rəsmilər daha çox ölənlərin ola biləcəyindən ehtiyat edir.

Boliviya Müdafiə Naziri Ernesto Justiniano bildirib ki, cümə günü saat 14:30 radələrində kazarmada "pyrotexniki material" partlayıb. Kazarma artilleriya regimentinə ev sahibliyi edir.

Səhiyyə rəsmisi Rita Nebraska Reuters agentliyinə deyib ki, Viaxa şəhərində baş verən insidentdə 10-15 nəfərin öldüyü güman edilir.

Polis partlayışın evlərə, xüsusən də pəncərələrə ziyan vurduğunu bildirir. Xilasedicilər dağıntılar arasında axtarış aparır.

Nebraska əlavə partlayış riski olduğunu qeyd edib və insanlara hərbi bazadan ən azı 150 metr uzaqda durmağı tövsiyə edib.

Polis mətbuat katibi Roger Roca AFP agentliyinə açıqlama verib ki, kazarmada atəşfəşanlıq vasitələri saxlanılır və partlayışın səbəbi araşdırılır.

Viaxa rəhbərliyi üç günlük matəm elan edib.