Rusiya Ukraynada kommunikasiya və logistika obyektlərini vurub

Anadolu Ajansı yazır ki, Rusiya Müdafiə Nazirliyi gecə vaxtı Ukraynaya qarşı pilotsuz uçuş aparatları ilə hücum həyata keçirib.

Hücumlarda Kiyevdə UkrTelekom və DreamLine şirkətlərinin məlumatların emal mərkəzləri vurulub. UkrTelekom Ukrayna ordusuna sabit və mobil rabitə, həmçinin yüksək sürətli internet xidməti göstərir. DreamLine isə yüksək sürətli internetlə yanaşı, kəşfiyyat məlumatlarının saxlanması üzrə xidmət verir.

Bundan başqa, Kiyevin ətrafındakı Vasılkiv şəhərində hərbi hava limanında infrastruktur və binalar zədələnib. Həmçinin Kiyevdə Ukrayna ordusunun yanacaq infrastrukturu hədəfə alınıb.

Odessada hərbi yüklərin saxlandığı Nova Poşta logistika mərkəzi vurulub. Çornomorsk limanında hərbi material və ikiüzlü yük daşıyan bir quru yük gəmisinə zərbə endirilib.

İzmayıl limanında isə Dunaysudoservis gəmi təmiri və modernləşdirilməsi sahəsində fəaliyyət göstərən tersanenin infrastrukturu hədəfə alınıb. Tersanədə Ukrayna Dövlət Sərhəd Xidmətinə bağlı bir qurumun daim yerləşdiyi məntəqə də vurulub.