Racheл Smit həbsxanada yumurta dondurmağa icazə aldı

Avstraliyanın ən ali məhkəməsi həbsxanada olan qadının yumurtalarını dondurma hüququna dair apellyasiya şikayətini qəbul edib.

Racheл Smit Qvinslenddə təhlükəli narkotik ticarətində ittihamla 10 il müddətinə həbs cəzası çəkir.

Azadlığa çıxa biləcəyi vaxt 39, cəzası tam başa çatdığı zaman isə 41 yaşı olacaq.

Yaşla bağlı sonsuzluq riskini azaltmaq üçün Smit həbsxanadaykən yumurta dondurmaq üçün icazə almaq istədi.

Lakin dövlət qanununa əsasən, Qvinslend Korreksiya İdarəsi yumurta götürmə və dondurmanı "yardımlı reproduktiv texnologiya" kimi qiymətləndirib və bu, 2006-cı il Cəzaçəkmə Xidməti Aktı ilə qadağandır.

Smit bu qərarı qanunun yozuluşuna qarşı çıxaraq, insan hüquqlarının pozulduğunu bildirdi.

O, Qvinslend Korreksiya Xidmətini onun şikayətini dövləti ali məhkəməsi və apellyasiya məhkəməsində müdafiə etdi, amma uğur qazanmamışdı.

Ali məhkəmə şikayəti qəbul edib və çərşənbə günü qərar verərək Qvinslend məhkəmələrinin Cəzaçəkmə Xidməti Aktını yalnış şərh etdiyini bəyan etdi.

Hakim Ceyn Caqot bildirdi ki, Smit seçdiyi həkim vasitəsilə yumurta götürmək və dondurmaq üçün müraciət edə bilər və bu "yardımlı reproduktiv texnologiya" deyildir, üç hakim də bu fikri dəstəkləyib.

Məhkəmə aşağı instansiyaların qərarlarını ləğv edib və Qvinslend Korreksiyanın müraciəti qanuna uyğun yenidən araşdırmasını əmr edib.

Ceyn Caqot əlavə edib ki, şikayət sürətlə həll olunmalı, vaxtında icazə verilmədiyi üçün icraçı ən qısa müddətdə qərar verməlidir.

Korreksiya həmçinin Smitin hüquqi xərclərini ödəməyə məcbur edildi.