Fələstinin işğal altındakı İordan çayının qərb sahilində İsrail ordusu tərəfindən həyata keçirilən əməliyyatda onlarla fələstinli saxlanılıb.

Görgü tanıklarının Anadolu agentliyinə verdiyi məlumata görə, İsrail əsgərləri hərbi maşınlarla El-Xelil şəhərinin Dura qəsəbəsinə daxil olublar. Onlar fələstinlilərin evlərinə basqın edərək axtarış aparıb və əşyalara ziyan vurublar.

Tanıqlar, əsgərlərin vəkil Mutez Abu Arkubun da daxil olduğu ən az 21 fələstinli sakini saxladığını bildiriblər. Saxlanılanlar müvəqqəti saxlanma mərkəzinə çevrilən evlərdə saatlarla dindirilib, lakin daha sonra sərbəst buraxılıblar.

İsrail əsgərləri bölgədən çıxarkən sakinlərə səs bombaları və gözyaşardıcı qaz atıb. Bir neçə fələstinli qazdan zəhərlənərək boğulma təhlükəsi keçirib.

Sosial mediada yayılan videolarda İsrail əsgərlərinin evlərə basqın etdiyi və bəzi evlərin dindirmə mərkəzlərinə çevrildiyi görüntülənib. Digər videolarda isə dindirilmədən sonra azadlığa buraxılan fələstinlilər yer alıb.

Son dövrlərdə işğal altındakı Şərqi Qüds də daxil olmaqla İordan çayının qərb sahilində İsrail ordusunun reydləri, saxlamaları, silahlı hücumları və həddindən artıq güc tətbiqi artmaqdadır. Eyni zamanda fələstinlilərin torpaqlarını işğal edən israillilərin fələstinlilərə və onların əmlakına qarşı hücumları da intensivləşib.

Fələstin rəsmilərinin verdiyi məlumata görə, oktyabr 2023-dən bəri İsrail ordusu və fələstinlilərin torpaqlarını işğal edən israillilərin hücumları nəticəsində 1155 fələstinli həyatını itirib, təxminən 11 min 750 nəfər yaralanıb və təxminən 22 min nəfər saxlanılıb.